يسرا: حتة من قلبي اتخلعت بـ اعتزال عادل إمام.. وأخوه كان هيعملي مسرحية ويسميني الزعيمة
تحدثت الفنانة يسرا، عن تكريم الزعيم عادل إمام في المملكة العربية السعودية، وإعلان اعتزاله الفن، مؤكدة أن سبب بكائها وقت سماع صوته وتكريمه نبع من ذكريات عملهما سويًا وحبها الكبير له.
تصريحات يسرا عن عادل إمام
وقالت يسرا في تصريحات إذاعية: متصورتش في يوم إن عادل إمام أستاذنا الكبير يعتزل لأنه عاش للفن وعمري ما تصورت إنه يبعد عننا، تصورت يومها أنه معقول مش هيرجع لينا تاني بفنه؟ حتة من قلبي اتخلعت، وعلى فكره حقه إنه يعوز يرتاح بس أنا مش شايفاه بعيد ولا هيبعد عني أو عن جمهوره.
وأضافت يسرا: عادل إمام عاش علشان حب الجمهور ده، والتكريم اتعمل له بصورة حلوة جدًا، وكلنا تأثرنا، وعمري ما حسيت إني زعيم جمب الزعيم، اتعلم منه الزعامة ممكن، وعمري ما فكرت إني أكون زعيمة الفن.
وأضافت يسرا: عمري ما هنسى لما أستاذ عصام إمام قالي من 20 سنة، هعملك مسرحية وهسميكي الزعيمة، قولتله لأ مفيش زعيم غير أستاذ عادل، فأنا برضوا صعب أي حد يقارن نفسه بـ عادل إمام.
واستكملت: أنا ولبلبة دايمًا بنروح نشوف عادل إمام، وأنا بفرح بقاعدتي معاه وبنقعد نتكلم على كل الشغل وبيضحك ويهزر ولذيذ وقاعدته دمها خفيف، هو راجل رائع بمعنى الكلمة.
وعن الكلمة التي قالها لها الزعيم عادل إمام ولم تنساها يسرا، فعلقت قائلة: قالي أنتي بتتنطتي قدامي في كل السيناريوهات، بشوفك، فأنا بقول أنك لازم تبقي معايا.
يسرا تكشف سبب رفضها عمل فني
كما كشفت الفنانة يسرا، عن سبب رفضها عمل فني، قائلة: برفض العمل الفني لما يكون مش هيضيف ليا، مرات بقول الدور ده مش عاجبني، ومرات تانية بعتذر بشياكة شديدة جدًا من غير ما أقول أن الدور ده مش عاجبني.
