عمر عبد العزيز عن مشاركة مشاهير السوشيال ميديا في التمثيل: المفروض نبوسهم ونحطهم جمب الحيط
علق المخرج عمر عبد العزيز رئيس الاتحاد العام للنقابات الفنية على ظهور مشاهير السوشيال ميديا والتيك توك في الأعمال الفنية ودخولهم عالم التمثيل، خاصة بعد أزمة مروان مشاكل ومشاركته في مسلسل بطن الحوت بمشهد.
وقال عمر عبد العزيز في لقائه مع القاهرة 24: استغلال الشهرة شيء مطلوب في السينما، وفطين عبد الوهاب قدم عادل هيكل في إشاعة حب، وأنا وظفت إكرامي الشحات في فيلم يا رب ولد.
وأضاف عمر عبد العزيز: أنا مش متابع بتوع التيك توك، لكن بشوف ناس مش بتعرف تتكلم كمان هنجيبه يمثل، ده المفروض نبوسهم ونحطهم جمب الحيط.
وأكد عمر عبد العزيز على ضرورة السير بالخطوات القانونية في حال توظيف أي شخص في التمثيل، قائلًا: لازم أمشي بالطرق القانونية أفرض جبت واحد بيمثل وعليه 12 قضية، لكن فيه طرق قانونية للتمثيل مش أجيب أي حد وأقوله تعالى مثل، ولازم يكون الشخص سواء مشهور على السوشيال ميديا أوي أي حد بيعرف يمثل أمرنه وأدربه وإلا هكون بغش الجمهور.
وعلى جانب آخر، طالب مسؤولي المهرجانات الفنية بالاهتمام بالقمم من المخرجين والكتاب الكبار قائلًا: أين علي بدرخان ومحمد عبد العزيز وخيري بشارة ومحمد ياسين وعلي إدريس وشريف عرفة وهاني لاشين ومحمد أبو سيف، فهناك جيل كامل غايب وبعيد خالص، وإحنا عارفين ليه لأنه لا يحب غير أنه يشتغل غير بالطريقة اللي نشأ عليها، ولا أتصور مخرج يدخل فيلم نصه ما اتكتبش أو يبدأ مسلسل بحلقتين ويتكتب وهو بيتصور، وإحنا مش بنمشي بترتيب الفن اللي اتربينا عليه، وزمان المنتج كان يجيب المخرج ونشتغل على الورق مع السيناريست ثم نختار الكاست، لكن حاليًا بيتقال المسلسل بطولة كذا، ودي مش مهنة والعملية منهارة.
