كل حاجة هتبان للرأي العام.. مصطفى كامل عن وفاة حلمي بكر: النقابة مقصرتش ومراته هي اللي منعتني
علق نقيب الموسيقين مصطفى كامل، على وفاة الموسيقار حلمي بكر، مشيرًا إلى أنه حاول التواصل أكثر من مرة مع الموسيقار الراحل، خاصةً بعد نقله إلى محافظة الشرقية، ولكن زوجته كانت تمنعه.
ونستعرض لكم أبرز تصريحات مصطفى كامل:
- بقالنا شهر بنطالب ونقول هاتولنا الراجل، وقلت هاتولي أستاذ حلمي وطالبت الدنيا كلها.
-وآخر مرة امبارح كلمت ابنه وقلت له انزل إنت ابنه اللي تقدر تسهلها عليا وتجبهولي من المكان ده.
-قلنا إحنا جاهزين والنقابة على أتم استعداد ومقصرناش، وكل حاجة هتبان للرأي العام.
-بقالنا شهر بيتقال علينا كلام من الناس اللي تخص أستاذ حلمي، واتقالنا بيعمل فترة نقاء وهو كويس.
-أستاذ حلمي أبويا وصاحب عمري وأستاذي، هتأخر عليه إزاي؟ ولسه كنت بقول من يومين ربنا يطمنا عليك وحسبي الله ونعم الوكيل.
-بقالنا شهر بنشحته وأنا راجع بيتي وهتجنن من وقت الوفاة.
-أما قالوا هيدخل المستشفى فتحنا مستشفى المعادي وكل حاجة كانت موجودة، وقلنا مليون مره إدونا أستاذ حلمي.
-كل الناس قالت أهله هم اللي هييجوا يطلعوه من الشرقية.. وسعينا لده وأنا منهار.
-قولت لابنه من يومين لما أبوك يتنقل من المكان ده يروح مستشفى هيبقى عشان يتوفى.
زوجة حلمي بكر واتهامها بقتله
واتهمت أسرة حلمي بكر، زوجته سماح القرشي بقتله، بعد انتشار تصريحات ابن الموسيقار أن الأخيرة خطفت أبيه وعذبته في كفر صقر بمحافظة الشرقية، الأمر الذي دفع الأسرة تتقدم ببلاغ تتهم فيه زوجته بتعمد قتله.
كما أعلن المستشار مرتضى منصور في بيان رسمي، وجاء فيه: توفى إلى رحمة الله الملحن الكبير حلمي بكر، والتي رفضت زوجته إيداعه في أحد مستشفيات القاهرة، وكان علاجة على نفقة الدولة ونقابة المهن الموسيقية، وتم خطفة رغم حالتة الصحية وإيداعه بإحدى قري مركز كفر صقر بلا رعاية أوعناية في الوقت الذي تركته زوجته في منزل والدتها في الشرقية، وإقامتها هي وابنتها في منزله المملوك له في الجيزة.
وأضاف مرتضى منصور في بيانه: تم نقل المرحوم حلمي بكر إلى المستشفي بالشرقية وقد أبلغ الدكتور المعالج بأنه وصل المستشفي وهو يعاني من حالة تسمم.
