قاتل إيهاب أشرف بالدقهلية: ترددت أكتر من مرة في قتله لكن الديون أجبرتني أخلص عليه | تحقيقات
يواصل القاهرة 24 نشر التحقيقات في قضية إنهاء حياة الطالب إيهاب أشرف رقم 1041 لسنة 2024 جنح الستاموني، بعد أن أمر النائب العام بإحالة مدرس الفيزياء إلى محكمة الجنايات يوم 20 مارس.
جرمية مقتل إيهاب أشرف واعترافات قاتله
واعترف محمد.ع مدرس الفيزياء المتهم بإنهاء حياة إيهاب أشرف قائلا: واقعة القتل حصلت يوم 13 فبراير 2024 حوالي الساعة 7:15 مساءً في أوضة الدرس اللي انا مأجرها في الدور الأرضي، في بيت الحاج منصور الشراكي في قرية 22 الأمل بجوار مدرسة الثانوية، وأخفيت الجزء السفلي من جثمان إيهاب بعد ما قطعتها ورميتها عند كوبري الخرس ما بين قرية النقعة وقرية ثابت، والجزء العلوي رميته تحت ماسورة مياه جنب مصرف اللي معدي من فوقيه كوبري الخلايفة والرأس ومتعلقات إيهاب رميتهم عند كوبري بحر النقعة في آخر قرية 22 الأمل، والواقعة كلها بمركز الستاموني، وأنا كنت لوحدي.
وبسؤال المتهم عن علاقته بـ إيهاب أشرف قال: هو كان طالب عندي وبياخد درس عندي من شهر 10 لسنة 2023، وقال أنه نشأت بينهم تلك العلاقة من شهر 10 لسنة 2023، لما ابن عمته كرم الحسن أحمد وده يبقى صاحبي ورشحني له أنه ياخد عندي درس فيزياء.
وتابع المتهم بقتل الطالب إيهاب أشرف: آخر مرة تردد فيها المجني عليه، هو آخر مرة كان عندي يوم الواقعة يوم 13 فبراير 2024، لما انا قتلته في أوضة الدرس اللي في قرية النقعة.
وبسؤاله عن متى نوى تنفيذ جريمة بقتل المجني عليه إيهاب أشرف عبد العزيز عبد الوهاب، قال: الفكرة دي جات قبل يوم الواقعة بحوالي أسبوع، ومكنتش لسه محدد إن أنا هقتل إيهاب وأطلب فدية من أهله، بس قبل يوم الواقعة بحوالي 4 أيام فكرت إن أنا اقتل إيهاب وأطلب فدية من أهله وحاولت إن أنا أنفذ الكلام ده يوم السبت 10 فبراير 2024، وقعدت أهزر معاه بالسكينة اللي أنا كنت شاريها وهو بياخد عندي درس بس خوفت بيني وبين نفسي أنفذ واقتله، وبعد لما ابن خالي حسان عبد الحميد حسان قابلني يوم الاثنين وسألني عن الفلوس والأرباح اللي كان معاده ياخدها في شهر يناير 2024، فأنا قولت إن أنا لازم بكرة أنفذ مع إيهاب عشان الحق أطلب فدية ويلحقوا يبعتوها لي عشان اديله الفلوس بتاعته والحق أسدد الديون اللي عليا.
