زوجة مدرس الفيزياء في التحقيقات: جوزي كان بيدور مع الناس على إيهاب واكتشفت إنه القاتل
حصل القاهرة 24 على أقوال زوجة مدرس الفيزياء، المتهم بقتل إيهاب أشرف طالب المنصورة، وتقطيع جثته إلى 3 أجزاء ومساومة أهلة وطلب فدية 100 ألف جنيه.
وجاء أقوال إيمان م 22 سنة، وهي خريجة معهد فني تمريض: اللي حصل اني متجوزة من محمد مدرس الفيدياء، واعرفه من حوالي سنة ونصف وعندي منه طفل صغير عمره حوالي 7 شهور وطول الفترة دي ماشوفتش منه حاجة وحشة، والفترة الأخيرة بدأ دخلنا يزيد من فلوس الدروس اللي كان محمد بيعطيها ويوم اختفاء إيهاب لاقيت محمد جالي البيت وبيقول ان إيهاب اللي بياخد عنده درس اتخطف، من بعد ما خرج من عنده من الدرس ومامته بتقول ان هو ما رجعش البيت.
وأضافت زوجة مدرس الفيزياء قي التحقيقات: كنت بشوفه بينزل يدور مع الناس علي إيهاب والشرطة كانت بتبعتله كتير ولما سألته الشرطة بتبعتلك كتير ليه قالي علشان اخر مكان إيهاب كان موجود فيه عنده في الدرس وتاني يوم اختفاء إيهاب لاقيته بيقولي ان في ظابط كلمه وهايروح علشان يشوف في ايه ولما رجع لاقيته بيعيط وبيقولي ان هما لقوا الجزء السفلي لجثة إيهاب وفضل يروح المركز كتير ولما كنا بنسأل كانوا بيقول ان دي إجراءات عادية علشان بيتحروا عن القاتل وبعد كده عرفت ان هو اعترف ان هو اللي قتل إيهاب وده كل اللي حصل واعرفه.
