شيخ المصورين محمد بكر يكشف سرا عن السندريلا سعاد حسني وعلاقتها بالتصوير
تحدث المصور الكبير محمد بكر عن السندريلا سعاد حسني وكواليس تصويره لها في أعمالها الفنية، مشيرا إلى أنه صور لها نحو 80% من أعمالها.
وقال محمد بكر خلال لقائه مع القاهرة 24: كل الصور اللي صورتها لنجوم زي ولادي ولكن اللي بيشرفني ويسعدني أن 80 % من أفلام سعاد حسني وعادل إمام أنا اللي صورتها، وكذلك حسن الإمام وفاتن حمامة وشادية، وكل ممثل له شخصية وحضور والجيل اللي بشتغل معاه كان جميل وإحساسه عالي واستفدت منهم جدا لدرجة لما كنت أقولهم صورة تاني مش بيزهقوا وبديوني إحساس تاني وكل مرة بإحساس شكل.
وعن ذكريات تصويره السندريلا، قال: سعاد حسني كانت جميلة وعندها حضور جميل وبتعمل بهجة في اللوكيشن نفسه، وكانت بتحب تتصور وتحب الصور وكان ممكن أصورها 20 صورة في خمس دقايق وتدي كل صورة شكل مختلف.
وتحدث محمد بكر عن افتتاح معرضه بمهرجان الإسماعيلية والذي ضم صورا التقطها للمخرج شادي عبد السلام، قائلا: شاكر ليكم جدا أنكم بتحيوا ذكرى شادي عبد السلام، لأني كان نفسي الناس تعرف مين هو، وكان لازم نجيبه ونترحم عليه، وكان لازم أعمل حاجة أثبت بيها بصمة شادي عبد السلام.
وافتتح في اليوم الثاني من مهرجان الإسماعيلية الدولي للأفلام التسجيلية والقصيرة في دورته الـ25 برئاسة الناقد السينمائي عصام زكريا، معرضا للمصور الفوتوغرافي محمد بكر بقصر ثقافة الإسماعيلية، وسلم الدكتور خالد عبد الجليل مستشار وزير الثقافة والناقد السينمائي عصام زكريا درع تكريم مهرجان الاسماعيليه للمصور الكبير تقديرًا لمشواره الكبير
وضم المعرض صورا متعددة من أرشيف المصور محمد بكر، التقطها للمخرج الراحل شادي عبدالسلام أمام وخلف الكاميرا.
