هناكلهم مش هيترموا.. الشيف نرمين هنو تثير الجدل بطبخها قشور البسلة والبصل
استخدمت المذيعة نرمين هنو، مقدمة برامج الطبخ على إحدى القنوات المصرية، قشور البازلاء في إحدى وصفات الطبخ الجديدة، وتقديمها بشكل مختلف مع البصل والتوابل، مما أثار الجدل بين مستخدمي مواقع التواصل الاجتماعي، نظرًا لعادة إلقاء قشور البازلاء في سلات قمامة البيوت المصرية بعد طبخ حباتها.
طبق قشر البسلة بالبصل
وظهرت الشيف نرمين هنو من خلال حلقتها التي قدمت فيها طبق صيني شهير يطلق عليه طبق بسلة الربيع، هذه الوصفة التي تجمع بين قشور البازلاء وقطع صغيرة من البصل مع الزبدة والتوابل، وقالت: هي نوع من أنواع البسلة الصيني، تُدعى بسلة الربيع أو البسلة الحلوة، بتكون عبارة عن قشرة بس.. وبتتاكل عادي خالص مش حاجة غريبة.
تعليقات مستخدمي مواقع التواصل الاجتماعي
وتداولت التعليقات بين مستخدمي مواقع التواصل بالاندهاش من هذه الوصفة غير المعتاد ظهورها في الأطباق المصرية، وعلقت إحدى مستخدمي منصة فيسبوك، قائلة: آخر حاجة أتذكرها إن قشر البسلة بنرميه في الشارع للماعز تاكلها، ونصحت متابعة أخرى قائلة: أيوة ده عشان الظروف الحالية لازم نستفيد من كل حاجة ما نرميش.
مٌتابعين: هناكل قشر البسلة
لكن أضافت مُتابعة أخرى، قائلة: هي البسلة قصرت معاكم في حاجة مالها البسلة بالجزر والبطاطس دا في ناس مبتحبش عليها الجزر تاكلونا القشر.. وسيدة أخرى تقول: برا مصر بتطبخ البسلة بالقشر بتاعها عادي جدًا بس إحنا في مصر متعودناش على كده، ومُتابعة تعقب: كانت جدتى الله يرحمها بتقولى زمان كان فيه نوع بسلة صغير وقشرته طرية ومسكرة ده اللى كان بيتعمل بالقشرة مش اى قشر والسلام.
ممكن طريقة قشر الفول السوداني.. يعني معدناش نرميه هناكله أحنا..يا ريت تعملولنا وصفات بورق الشجر المرة الجاية.. أهم حاجة يكون طازة يا جماعة ركزوا في التفاصيل.. هكذا عقب مستخدمو مواقع التواصل الاجتماعي مٌتعجبين من وصفة الطبخ الصينية لطهي قشور البسلة مع البصل والتوابل.
