أبرز تصريحات شيرين عبد الوهاب: ياسمين عبد العزيز اتعملها سحر أسود.. وكل اللي كانوا حواليا خونة
كشفت الفنانة شيرين عبد الوهاب العديد من أسرار حياتها، خلال حلولها ضيفة على برنامج Big Time، الذي يقدمه الإعلامي عمرو أديب مع المطربة أصالة، ويستضيف فيه مجموعة من أهم وأبرز النجوم على مستوى الوطن العربي.
ونستعرض لكم أبرز تصريحات شيرين عبد الوهاب في البرنامج:
ـ ولاد الحرام رمولي السحر في بيتي.. ولقيت سُرة فيها رمل من المقابر وجواها مفتاح أوضة نومي.
ـ لما قريني بيتعبني بشغله سورة ق.
ـ كل اللي كانوا حواليا خونة.
ـ بكسر البسكوت للنمل وبعملهم غنيمة.
ـ مليش في بيوت التجمع بقول عايزة أروح أعيش في البيوت المزيتة القديمة، والشوارع اللي بقالها قرون، غير الصحرا اللي عايشين فيها.
ـ جالي تليفون وأنا راجعة من السفر إن في تعبان في بيتي.
ـ كنت بقول لربنا لو مخدتنيش هزعل منك، ودايما بدعيه أموت أنا وبناتي، علشان محدش يعذبهم ويستغلهم.
ـ كنت جاية من العمرة وبعيط أحلام حصنتني وقلت لها أنا محتاجة شيخ يحصني، لكن هي كويسة قارئة القرآن وحفظاه كويس، هي فنانة مش من بلدي لكن أتأثرت بيا.
ـ كل اللي كانوا معايا خاينين ومفيش أصل ومفيش عشرة، ومرة كنت بمشي شخص ما من عندي قالي طب عايز فلوس علشان أمشي، كل الناس لابسة قناع.
ـ ياسمين عبد العزيز كان معمولها سحر أسود وكانت هتموت بسببه.
ـ إحنا بنتأذي جامد، وبقرأ سورة البقرة من أجل الشفاء، ولقريني بقرأ له سورة ق.
