علي جمعة: لو فيه علاقة بين اتنين مفيهاش عفاف يأثمون عليها حتى بعد الزواج
أجاب الدكتور علي جمعة، مفتي الجمهورية السابق وعضو هيئة كبار العلماء بالأزهر الشريف، على سؤال ورد إليه نصه: لو فيه علاقة بين اتنين مفيهاش عفاف هل يأثم بها حتى لو تزوجوا؟
وقال الدكتور علي جمعة خلال برنامجه التلفزيوني: لو فيه علاقة بين اتنين مفيهاش عفاف يأثمون عليها حتى بعد الزواج.. لأن بعد العقد يكون عدم الإثم لكن الإثم يظل فيما قبل العقد.
علي جمعة يوضح شروط العفاف
وتابع مفتي الجمهورية السابق وعضو هيئة كبار العلماء بالأزهر الشريف: العفاف، هو علم الأهل، وعدم عمل الحرام، ولكن لو الراجل مسك ايد المرأة وفضل يسبلها عينه وتسبله عينها يبقى العلاقة مفيهاش عفاف.
فيما سألت طالبة أخرى، هل ينفع أقابل شاب وبيكلمني في الحب هل كده حرام ولا حلال؟،
فقاطعها الشيخ على جمعة: هل فيه عفاف ولا مفيش، يعنى خرجوا مع بعض ومسك إيديها وسبل لها بعينها يبقى كده مفيش عفاف.
فردت الطالبة: بس الأهل عارفين، ومفيش تلامس، يبقي كده الحب حرام؟، فرد الشيخ عليها: طالما مفيش عفاف حتى لو الأهل عارفين يبقى كدة ممنوع، وهتبقى آثمة لو استمرت فى هذه العلاقة.
كما توجهت طالبة بسؤال إلى الدكتور علي جمعة، حول حكم الاختلاط والهزار بين الأولاد والبنات؟، قائلة: ولد وبنت وأصدقاء بيخرجوا مع بعض وبيختلطوا وبيهزروا وبيلعبوا مع بعض فهل ده حرام؟.
وقال الدكتور علي جمعة، مفتي الديار المصرية السابق: طالما مفيش نية سيئة في أي حد فيهم، فالاختلاط ليس حراما، والبشرية كلها لم يكن فيها اختلاط، والبدو لا يمكن أن يكون فيهم تحرش أو هذا الكلام.
