نجوى فؤاد: مقدرش اتجوز من ديانة تانية وطليقي أسلم علشاني.. وسيبوا فيفي عبده تعيش
كشفت الفنانة نجوى فؤاد، عن تفاصيل حالتها الصحية خلال الفترة الماضية، معربة عن استيائها بسبب تجاهل نقابة المهن التمثيلية لها وزملائها بالوسط الفني، بجانب الحديث عن علاقتها بالراقصة سهير زكي، والفنانة فيفي عبده.
أبرز تصريحات نجوى فؤاد مع سهير جودة
- مفيش حد من الفنانين ولا النقيب سأل فيا، بقالي 6 شهور بتعذب
- ماليش معاش والواحد ضيع عمره ببلاش
- دكتور أشرف زكي قالي المعاش أعتقد 600 جنيه، قولتلهم ده أنا بديهم للبواب
- إحنا خدنا ملاليم وهما بياخدوا ملايين، لازم يساعدوا الناس الغلابة
- الفنانيين يروحوا فين؟ فريد شوقي ورشدي أباظة ماتوا معندهمش حاجة
- ضحيت بحياتي الشخصية علشان الفن.
- ودلال عبد العزيز كسرتني، اتخطفت وكانت من أعز أصدقائي.
- أنا مبشتغلش من قبل كورونا بـ 4 شهور، واللي زودني موت سمير صبري ودلال عبد العزيز، مكنتش أقول آه إلا لما ألاقي دلال معايا.
- عمري ما كان في منافسة بيني وبين سهير زكي، وإحنا كنا أصحاب وطلعنا مع بعض في نفس الوقت، وهي وحشاني ونفسي أشوفها.
- فيفي عبده جدعة جدًا ومقدرش أقول عليها ربع كلمة، ماحدش يعرف عنها غير الحاجات الكويسة اللي بتعملها.
- فيفي عبده بتسلي نفسها بالفيديوهات اللي بتعملها هي حرة طالما مبتاخدش حاجة من حد، سيبوها تعيش تعبت وشقيت كتير، سيبوها ومالكوش دعوة بيها.
- هينري كيسنجر وزير خارجية أمريكا وصفني أني أحلى امرأة في الكون.
- أنا مش ممكن أتجوز حد من ديانة تانية، سامي الزغبي كان نوراني وبقى مسلم علشاني.
- كان عندي شغل في فندق وطلعت المسرح ولاقيت فرح طليقي سامي الزغبي وصاحبتي، الله يشفيها أنا مسمحاها وهي كانت أقرب الأقربين بالنسبة ليا.
- الصديقة طلعت خاينة تتعوض، ولكن الزوج ده أنا حياتي اتهدت ده أسلم علشاني وخد الجنسية المصرية، كانت مؤامرة مدبرة لي.
