بعد ادعائه الإصابة بجلطة بسببها.. مها أحمد: فاروق فلوكس بالنسبالي تاريخ.. لكن مبحبش يتلزق فيا
تحدثت الفنانة مها أحمد، عن بعض المواقف التي جمعتها بالفنان فاروق فلوكس، موضحة أنه نشر بعض الشائعات عن تسببها في إصابته بجلطة.
مها أحمد: فاروق فلوكس بالنسبالي تاريخ
وقالت مها أحمد في تصريحات تلفزيونية: في يوم عرفت إن المسرح هيكرم الأستاذ فاروق فلوكس، وقلت لصديقتي ومديرة تحرير برامجي، بفكر أروح عشان أحضر التكريم وأعمله مفاجأة يمكن يفرح.
وأضافت مها أحمد: قالتلي إزاي ده شتمك، رغم إني مش فاكرة إني اشتغلت معاه، لكن هو بالنسبالي تاريخ.
وأردفت: كنت بعمل بطولة مسرحية، فكان في الشغل بيقرب مني أوي، بيلزق فيا، وبيندفع بالكلام وده بيضايقني، وكان يخرج عن النص لأنه كان جاي علينا جديد، ومش حافظ، وكان يرتجل بـ كلام مينفعش يتقال على مسرح دولة.
وأوضحت: اشتكيت للمخرج، قلت له بعد إذنك لما ييجي يشتغل معايا ميقولش ألفاظ خارجة في الزميل المذيع والممثل، مردش حقي، وبعدين قالوله في الأيربيس، وجه يلم الموضوع، ومعرفش، أصل الارتجال ده عايز امكانيات.
مها أحمد: رفضت منصب مهم.. وضيعت فرص بسبب الكسل
كما تطرق مها أحمد إلى بدايتها الفنية، إذ أكدت أنها ضيعت عددا من الفرص بسبب الكسل، قائلة: مش كسلانة في الشغل ما عدا شغل الشتا، وكسلي خسرني إني في عز الهجوم ده اتطلب إني أمسك منصب مهم للمرأة ورفضت.
وواصلت مها أحمد حديثها، قائلة: رفضت منصب المرأة لأني مش بتاعة حاجات روتينية، ولو عايزة أخرس الألسنة كنت ممكن أقبل بالمنصب، ومحدش يعرف يقولي صباح الخير حتى.
