أسما شريف منير: الوضع في غزة أثر عليا نفسيا.. ولازم نتعلم منهم الانتماء
تحدثت أسما شريف منير، عن تأثير الأحداث التي تجري في غزة عليها، مشيرة إلى أنها تأثرت نفسيًا وأصبحت تشعر بالانتماء أكثر.
وقالت أسما شريف منير في لقائها مع القاهرة 24: ربنا عمره ما بيعمل حاجة في الدنيا وحشة، هل ربنا عاوز يؤذي الناس بتوعه أو يوقع عليهم ده؟ أكيد لأ، لكن رسالة لينا إحنا ولازم نراجع نفسنا ونعرف بنعمل إيه، ونحمد ربنا على كل اللي عندنا وما نشتكيش.
وأضافت أسما شريف منير: لا بد أن نحافظ على بلدنا ونشكر ربنا ونحمده وما نقعدش نقول عاوزين نسافر، هما ماسكين في بلدهم، ولازم نتعلم منهم يكون عندنا انتماء زيهم ولازم نقتدي بيهم، والوضع في غزة أثر عليا نفسيا وبقيت أشعر بالانتماء أكثر وشايفة مشاكلي صغيرة أوي.
أسما شريف منير تكشف سبب رغبتها في ارتداء الحجاب
من ناحية أخرى، كشفت أسما شريف منير سبب رغبتها في ارتداء الحجاب، وقالت: نفسي ألبس الحجاب لأني الفترة دي بحاول أقرب أكتر من ربنا، لكن في نفس الوقت حاسة إني عاوزة أكون جاهزة للقرار ده، وأعمله ومرجعش فيه، وبحاول أظبط لبسي، وآخر حاجة أعملها أحط طرحة على شعري.
