نورهان منصور: عندي طقوس روحانية في رمضان.. والتمثيل مع خالد النبوي في إمبراطورية ميم مبهر
كشفت الفنانة نورهان منصور عن طقوسها في شهر رمضان، إلى جانب حديثها عن مشاركتها في مسلسل إمبراطورية ميم والتعاون مع الفنان خالد النبوي.
وقالت نورهان منصور في لقائها مع القاهرة 24: قبل الفطار بطبخ، والحمد لله اتحسنت وبعمل مسقعة باللحمة المفرومة هايلة، وبعد الفطار بتفرج على مسلسلات وبليل عندي طقوس روحانية.
وأضافت نورهان منصور: بصلي قيام الليل بعد الساعة 12 للتواصل مع ربنا، وحاجة ما ينفعش تتوصف.
وعن المسلسلات التي تشاهدها في رمضان قالت: بشوف مسلسل الحشاشين وأعلى نسيبة مشاهدة ونعمة الأفوكاتو ولسه ما كونتش فكرة عامة.
نورهان منصور تتحدث عن تعاونها مع خالد النبوي
وحول مشاركتها في مسلسل إمبراطورية ميم والتعاون مع خالد النبوي قالت: معظم مشاهدي مع خالد النبوي والتمثيل قدام خالد حاجة مميزة جدًا، لأن عنده تفاصيل بيحطها في الشخصية بشكل مبهر طول الوقت.
وواصلت: طول الوقت بكون مركزة إزاي في فرق كبير بين الشخصية وأنا بقرأها على الاسكربت وبين أدائه، وإزاي هو قادر يحط التفاصيل دي في أدائه للشخصية.
على جانب آخر، نفت نورهان منصور وجود غيرة فنية بينها وبين شقيقتها رانيا منصور، قائلة: بيكون فيه تشجيع مش غيرة، وإحنا بنشجع بعض أوي وبناخد رأي بعض في كل حاجة وبنساعد بعض.
