حلا شيحة عن ارتباطها بـ معز مسعود: تزوجت لأن الست مينفعش تفضل لوحدها
تحدثت الفنانة حلا شيحة، عن زواجها من الداعية الإسلامي معز مسعود، بجانب حديثها عن والد أبنائها، موضحة أنه اعتنق الإسلام قبل أن تتعرف عليه بعام.
وقالت حلا شيحة في تصريحات تلفزيونية: كل الستات مروا باللي أنا مريت بيه وكلهم لبسوا الحجاب وقلعوه، وتزوجوا واتطلقوا، أنا تزوجت مرة وقعدت سنين طويلة واتطلقت وبعدها بـ سنة ونص اتجوزت سنة ونص، لأني ست والست مينفعش تفضل لوحدها.
حلا شيحة عن والد أبنائها: كان حب حياتي.. وأسلم قبل ما أعرفه بـ سنة
أما عن والد أبنائها، فعلقت حلا شيحة: أبو أولادي مكنش داعية إسلامي، وكانوا مسمينه الشيخ يوسف لأن عنده ذقن، وهو أسلم قبل ما أنا أعرفه بـ سنة، كنت أعرفه من وأنا عندي 14 سنة وكان حب حياتي، وربنا جمعنا وخلفت منه 4 ولاد.
حلا شيحة: صراعاتي كتير.. وقلبي بيتقطع علشان ولادي
كما كشفت حلا شيحة، أن أبنائها يقطنون مع والدهم في كندا، قائلة: صراعاتي كتير أوي، لأن ولادي في كندا، وكان نفسي يكونوا معايا طبعًا بكلمهم ولكن جوايا ببقى تعبانة جدًا وقلبي بيتقطع.
وواصلت: أنا طالعة من 11 سنة كنت في حياة مختلفة وراجعة أشتغل، فقابلت هجوم كتير والناس انقسمت، فيه ناس مع رجوعي وناس لاء، وأنا اللي في النص وتعبانة، وأنا كان موقفي مختلف تمامًا والناس مش هتستوعب، وكل إنسان بيمر بحاجات كتير في حياته ولازم ياخد قرارات.
