اعترافات قاتل طفل مدينة نصر لطلب فدية: خنقته بإيدي وحطيت عليه شكاير أسمنت |خاص
كشفت التحقيقات تفاصيل خطف ومقتل الطفل إبراهيم، على يد حداد جار أسرته بسبب مروره بضائقة مالية، لطلب فدية من والده لسداد ديونه بمنطقة مدينة نصر بالقاهرة.
قاتل طفل مدينة نصر
وباستجواب المتهم بقتل طفل مدينة نصر قال أمام جهات التحقيق: قولت له عندي كلب صغير ومسافر البلد فقال لي أنا عايز اخده قلت له هو عندي في البيت على السطح تعالى معايا لو عايزه، وفعلًا صدقني ودخل قال لأمه أنه مروح البيت وجالي تاني واخدته ومشينا في الشارع وطول ما أنا ماشي معاه عمال أفكر إن هو هيفضحني، فقررت أن أول ما نطلع البيت أموته عشان ميتعرفش مين اللى كان خاطفه.
جريمة قتل طفل مدينة نصر
وأضاف المتهم بخطف طفل مدينة نصر وإنهاء حياته: وهكلم أبوه واخد منه 200 ألف جنيه على أساس أني هرجع له ابنه وبعد ما اخد الفلوس ههرب وهما هيبقوا يكتشفوا إن الواد مات بعد كده، لحد ما وصلنا العمارة وقلت للواد اسبقني على فوق وكان ناجح واقف قدام العمارة، فقلت للواد اطلع بسرعة يلا وانا جاي وراك ووقفت مع ناجح عطا الله شوية، وقلتله ده ابن واحد صاحبي وبعدين سبته ومشيت.
وأكمل المتهم بخطف طفل مدينة نصر وإنهاء حياته اعترافاته أمام جهات التحقيق: طلعت البيت ورا إبراهيم ولما دخلنا قالي فين الكلب؟، فقولتله جوا واخدته على الأوضة اللى بنام فيها ولما ملقاش الكلب حس بخوف وكان هيصرخ فروحت ماسكه بايدي من رقبته عشان أخلص عليه زي ما قررت وأنا جاي، وفعلًا فضلت أخنق فيه لحد ما روحه طلعت في إيدي واتأكدت إنه مات فسبته.
اعترافات قاتل طفل مدينة نصر
وأردف المتهم بخطف طفل مدينة نصر وإنهاء حياته: خرجت في السطح كان في رمل وشكاير رمل روحت عامل حفرة على قده وسط الرمل ورجعت الأوضة تانى شلته وحطيته في الحفرة دى، وردمت عليه وحطيت عليه باقي شكاير الرمل وبعدها نزلت روحت لجوز اختى وقلتله انى مش لاقي حتة أبات فيها، وعايز مكان أنام فيه للصبح، فقالي اطلع في شقة فوق فاضية اطلع نام فيها وبعدين لقيته بيخبط عليا وبيقولي إبراهيم فين، فقولتله معرفش هو كان معايا وسيبته ومعرفش راح فين.
جريمة مدينة نصر
وأضاف المتهم: بعدها أبوه جالي وقلتله نفس الكلام، وأبويا جيه وقالي لو مقولتش الواد فين هموتك وهطلب الحكومة فأخدت علاء على أساس إني هروح أجيبلهم الواد، وروحت عند بيت واحد صاحبي وقلتله هات 400 جنيه هديهمله عشان لو مرضاش يديني الواد واستنانى هنا هجيبه وأجيلك، وبعدين هربت وروحت على رمسيس وبعدها عبود، وركبت أتوبيس المنيا ولما وصلت ركبت تاكسي على أبو قرقاص واستخبيت هناك.
