حورية فرغلي: نزلت أوضة العمليات لوحدي واتعودت على كده
كشفت الفنانة حورية فرغلي، عن معاناتها بمفردها أثناء دخولها غرفة العمليات لإجراء عملية إزالة الرحم.
وردت حورية فرغلي، على سؤال الإعلامية بسمة وهبة، في برنامج العرافة، التي قالت: ليه نزلتي أوضة العمليات لوحدك؟ مامتك كانت قاعدة بتشرب سيجارة.
وتأثرت حورية فرغلي، أثناء إجابتها، قائلة: أنا كنت نايمة معرفش مين كان موجود، وأنا راضية بكل حاجة ودي مش حاجة غريبة عليا، وأنا مش ضعيفة.
وعن تفاصيل مرضها، فقالت حورية فرغلي: جالي عدوى وعظمة في الأنف، ومفيش دكتور في مصر رضي أنه يشيل العظمة وروحت لندن وعملت 28 عملية في الأنف، وقعدت 3 سنين باكل ومش حاسة بطعم الأكل.
وتابعت حورية فرغلي: وأنا عندي 30 سنة كان عندي 7 أورام والدكتور قالي قدامك 10 سنين، والورم كبر أوي وكان هيقلب وشيلت الرحم.
حورية فرغلي
وكانت حورية فرغلي تحدثت في الحلقة عن معاناتها مع الجن، قائلة: اللي في البيت عندي ده ملوش علاقة بالجن ولا السحر.. أنا كنت اشتريت الشقة دي وكانت مقفولة لسنين طويلة لأنها كانت بتاعت الفنان محمد عبد الوهاب.
آخر أعمال حورية فرغلي
يذكر أن حورية فرغلي، شاركت في مسلسل أيام الجزء الثاني بعد النجاح الكبير الذي حققه الجزء الأول، والعمل من بطولة: رياض الخولي، أحمد صفوت، سلوى خطاب، ندى موسى، حورية فرغلي، شيري عادل، والعمل من تأليف سماح الحريري، وإخراج محمد أسامة.
