لو كنت آمرا أحدا أن يسجد لأحد لأمرت المرأة أن تسجد لزوجها.. علي جمعة يوضح معنى الحديث
تلقى الدكتور علي جمعة، مفتي الجمهورية السابق، وعضو هيئة كبار العلماء، سؤالا من طالبة نصه: "ما معنى حديث: لو كنت آمرا أحدا أن يسجد لأحد لأمرت المرأة أن تسجد لزوجها.
علي جمعة يرد على حديث: لو كنت آمرا أحدا أن يسجد لأحد لأمرت المرأة أن تسجد لزوجها
وقال علي جمعة خلال برنامجه نور الدين: لازم نعرف القصة والحكاية واتقال في إيه، الستات كانو بيحكوا لرسول الله إن الراجل عنيف أو بخيل شوية فالنبي يشد عليهم ويقولهم مش هتدخلوا الجنة إلا لما ترضوا الستات بتاعتكم، لكن بعدها الستات تفتري شوية، فالرجال يجوا يشكوا اللي حصل دا وإن الستات لا عايزة ترضع الأولاد ولا كذا، فالنبي يرسل إليهم ويكلمهم، فالكلام بيديهم دفعة وحافز يحترموا أزواجهم شوية، والست تستجيب للرسول وتقول إنها غلطانة وزودتها شوية وترجع، يعني معمول علشان التوازن وفي حاجات حواليها.
فيما رد على جمعة، مفتى الديار المصرية السابق، على سؤال طفلة حول ليه الزوجة مجبرة على طاعة زوجها، وعدم طاعة الست قائلا: بلاش وإحنا بندي المرأة حقوقها ندوس على الرجالة.
وقال: مين اللى قالك الكلام ده أنتم جايبين معلوماتكم منين، وبتقولوا حاجات غريبة جدا الله يكون في عونكم.
علي جمعة: بلاش واحنا بندى المرأة حقوقها ندوس على الرجالة
وتابع: إحنا في الحياة الدنيا أي واحدة ست لها كل الحقوق والخيارات وكل حاجة، وكمان الراجل له كل الحقوق والخيارات وكل حاجة، إلا لما يتدخلوا في الزواج بقوا في شركة وأسرة فيها دوائر متعارضة يجب ترتيبها علشان الحياة تمشي.
