بيومي فؤاد باكيًا: ليه يا سلام مدافعتش عن محمد أنور وهو ترشيحك؟.. وحقي عند ربنا
انهار الفنان بيومي فؤاد من البكاء خلال توجيه رسالة لـ محمد سلام، وعدم دفاعه عن الفنان محمد أنور وقت عرض مسرحية زواج اصطناعي.
وقال بيومي فؤاد وهو منهار من البكاء في تصريحات تليفزيونية: إزاي يا سلام مدافعتش عن محمد أنور وهو ترشيحك كنت كل يوم بسأل ليه تعمل كده.. وأنا غلط بس راجل وهقول الكلام ده في كل برنامج أطلعه.
وأضاف بيومي: حقي عند ربنا بس ليه يا سلام مدافعتش عن محمد أنور بلاش عني أنا، ودافعت عن أمير كرارة بعد ما طلعت شائعات أنه مشاك من المسلسل وعن المخرج أحمد الجندي.
واختتم بيومي حديثه: أنا كبير محمد سلام وأنا المرجع بتاعه، وكلمته لما اعتذر عن المسرحية وقالي أنا مش قادر أنت شايف الأطفال اللي بتموت.. وقولتله بدعي ليهم قبل ما بدعي لأولادي وده أكل عيش وفيه ناس كتير بيوتهم مفتوحة من الحاجات دي.
آخر أعمال بيومي فؤاد
يعد آخر أعمال بيومي فؤاد هو مسلسل الكبير 8، وضم العمل عدد كبير من النجوم، ومن أبرزهم: أحمد مكي، رحمة أحمد، محمد سلام، مصطفى غريب، وعدد آخر من الفنانين، والعمل من تأليف مصطفى صقر وإخراج أحمد الجندي.
