أول ظهور لـ أحمد جلال عبد القوي بعد اختفائه بسبب تعاطيه المخدرات: أي حد كان شايفني مَثل خسرته
كشف الفنان أحمد جلال عبد القوي تفاصيل أزمته الصحية، بعد تجربته مع المخدرات، حيث أشار إلى أنه وقع ضحية الإدمان بسبب استمرار تناوله أحد العقاقير بعد خضوعه لعملية جراحية في الظهر، رغم أن الأطباء أوقفوا له هذا العلاج إلا أنه أدمنه، وأصبح اعتياديًا بالنسبة له.
وفي أول ظهور له بعد أزمته الصحية، قال أحمد جلال عبد القوي في حواره مع القاهرة 24: خضعت لعملية كبيرة في ضهري، أتعودت بعدها على علاج معين، استخدمته حتى بعد ما وقف العلاج بقا عندي اعتيادية عليه، تجربة وعدت وربنا كرمني واشتغلت على نفسي، لأن دي مش حياتي، وأنا أتعلمت الدرس لأن في أهل كان ممكن لو حصلي حاجة هيتأثروا، أنا فنان مشهور والمفروض أكون قدوة مكنش يصح أكون في موقف زي ده أبدًا.
أول ظهور لـ أحمد جلال عبد القوي بعد اختفائه بسبب تعاطيه المخدرات
وتابع أحمد جلال عبد القوي: أي حد كان بيحبني وشايفني مَثل خسرته، طالما أنا فنان وعايز أبقى شخصية معروفة ومشهورة، مكنش يصح أشرب مخدرات وأمشي في الطريق ده، أهلي أول ناس وقفوا معايا، رغم أن كان عندهم صدمة من اللي حصلي، كل الناس اللي توقعت يقفوا جمبي محدش فيهم وقف معايا، لكن مكنش فارق لي، لأن صحابي مش كتير وصاحب الكل دايمًا وحيد.
وفي الأشهر الماضية، دخل أحمد جلال عبد القوي مركز إعادة تأهيل حتى يتعافى من إدمان المخدرات، بعدما انفرد القاهرة 24 بنشر خبر دخوله أحد مراكز إعادة التأهيل، مؤكدًا أن هذا الأمر لا يعيبه في شيء على عكس لكنه يحاول إصلاح نفسه، بعد أن وقع ضحية المخدرات.
