المخرجة إيناس الدغيدي لـ أميرة بدر: ممكن أحب جوزك لكن عمري ما أخرب بيتك
حلت المخرجة إيناس الدغيدي، ضيفة على برنامج أسرار الذي تقدمه الإعلامية أميرة بدر، وخلال لقائها تحدثت عن علاقات الحب في حياتها، مؤكدة أنها لا تسعى إلى خراب البيوت.
إيناس الدغيدي: إحنا في مجتمع كل رجالته عليهم العين
وقالت إيناس الدغيدي: مش هحب بدون إرادة، لكن لو مخططة ده مش حب، ده احتياج لأي حاجة، الحب مفيهوش ممنوع، الله اعلم بجوزك، يمكن فيه واحدة بتحب جوزك وأنتي متعرفيش، والستات اللي بتراقب كتير هي اللي بيطلع عينها، وعشان تعبتيني هقومك شاكة من هنا.
إيناس الدغيدي: عمري ما أخرب بيت واحدة
وأضافت إيناس الدغيدي: الرجالة غيرنا إحنا حبيبة وهما لأ، معنديش أسرار في حياتي، لأني بقول على طول، مش عارفة ممكن اوجع واحدة تانية ولا لاء، بس عمري ما أخرب بيت واحدة.
واستكملت إيناس الدغيدي: ممكن أحب جوزك لكن أخرب بيتك لأ، وأنا في جروب متجوز ولما اتطلقت قلت هياخدوا مني موقف، وأنا في مجتمع كل رجالته عليهم العين، وقالولي إنتي بالذات عمرنا ما هنشك فيكي، لأنك معانا من صغرك، ومش هيحصل أنهم يخافوا مني.
برنامج أسرار
برنامج أسرار، تقدمه الإعلامية أميرة بدر على شاشة النهار يوميا خلال شهر رمضان، ويعرض في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر، أبرزهم عصام صاصا، مسلم، محمود عبد المنعم كهربا، وآخرون.
