أحمد العوضي: هبقى شديد على ابني وهطلعه راجل.. ولازم الصداقة تكون في إطار الهيبة
أكد الفنان أحمد العوضي، أنه سيربي أولاده بالطريقة التي تم تربيته بها من قِبل والده بعد وفاة والدته في سن صغير، موضحًا أنه لا يحب طرق التربية الحديثة.
وقال أحمد العوضي، في تصريحات تليفزيونية: الطريقة الأمثل للتربية كلام كتب وإنشاء مش هشتريه منك، وأنا زي ما اتربيت أنا هربي ابني، وده اللي مطلع العيل يرد على أبوه وأمه، أمك؟ بترد على أمك؟ الصح مبيقدمش وهو في حد بيرد على أبوه وأمه؟ المناقشة تكون في إطار الأدب والاحترام.
وواصل أحمد العوضي: الأب أب مبيهزرش، لازم يكون في صداقة في إطار الاحترام والهيبة، وأن أنا اترعب لو أبويا عرف أني عملت حاجة غلط ومعملهاش، لازم يكون في حزم في الحياة، الدنيا اتفحت وبقى في حاجات كتير ممكن تبوظ العيل، ولازم الأب طول الوقت يبقى ماسك ابنه وإلا هيروح بيه في ثانية.
وأضاف: أبويا عمل كل حاجة علشانا وكان بيقوم بدور الأب والأم وضحى بحياته علشان يطلعوا كويسين، والبنت غير الولد وطول الوقت أبوها بيثق فيها وبتبقى شايفة أبوها كل حاجة في حياتها ونفسها حبيبها يبقى زيه في حنيته عليها ودلعه ليها، والبنت مبتتهانش في بيت أبوها وبتبقى ملكة، وهبقى شديد مع ابني علشان عايزه يطلع راجل.. أنا حر.
أحمد العوضي: ياسمين عبد العزيز هي الحب الحقيقي والوحيد في حياتي
كما تحدث أحمد العوضي، عن طليقته الفنانة ياسمين عبد العزيز، قائلًا: أصدق حب في حياتي كان ياسمين عبد العزيز وهي الحب الحقيقي والوحيد في حياتي، لأني عيشت معاها أيام ومواقف ومراحل، وهفضل أقول كده على طول لأني مش هعيش اللي عيشته مع ياسمين تاني، أنا بقول كلام ممكن يتاخد عليا بعد كده ولكن دي الحقيقة.
