ياسر جلال يكشف سبب حريق لوكيشن مسلسل جودر
كشف الفنان ياسر جلال، سبب حريق لوكيشن مسلسل جودر، الذي يتم عرضه حاليًا في السباق الرمضاني، وحقق نجاحًا كبيرًا منذ عرض أولى حلقاته.
وقال ياسر جلال، في لقائه مع الإعلامية فاطمة مصطفى، في برنامجها الراديو بيضحك عبر محطة الراديو 9090: الحريقة اللي حصلت في الاستوديو كان المفروض في مشهد فيه فرن والمخرج كان عايز يطلع العيش سخن علشان المصداقية، وقبل ما يعمل ده استشار الناس اللي هناك والحماية المدنية، ولما ولعنا الفرن البلدي مكنش معزول وحرق الجزء اللي كنا فيه، خدنا وقت عشان نسيطر على الحريق، ولكن الحمد لله أن الحريق مطالش باقي الديكور.
ياسر جلال يكشف سبب حريق لوكيشن مسلسل جودر
أما عن تجربة مسلسل جودر، فعلق ياسر جلال: الحمد لله على نعمة النجاح، وأنا بعد الاختيار كان لازم أعمل حاجة مختلفة تمامًا، وأنا بادئ متأخر فمش عايز أضيع الكام سنة اللي فاضلين أني أعمل شخصية على أجزاء، أنا عايز أعمل رصيد من شخصيات مختلفة وأعمال تعيش، والإنتاج كان متخوف من ألف ليلة وليلة بصراحة وعندهم حق، والنوعية دي بتتعمل برا بـ مليارات مش ملايين، فكان ده التحدي وأنا كنت متخوف والوقت كان ضيق مش هنلحق رمضان، وعملت مسلسل علاقة مشروعة وبعدين رجعنا لما لاقينا كل واحد في مكانه ومحدش بيتدخل في شغل التاني وتوكلنا على الله واجتهدنا.
واختتم: صناع العمل اللي بيمولونا خايفين وبرضوا ليهم الحق، ولكن على آخر لحظة لما المسلسل بقى 15 حلقة لاقوه حلو قررنا ننزل بـ 15 الأولنيين وكرم ربنا الكبير أن المسلسل نجح، والنجاح يرجع لـ ربنا والنقاد والجمهور، والسوشيال ميديا مظلومة وبيتقال إن فيها مأجورين، ولكن كم الشرفاء اللي فيها كبير وهما فرحانين بالمسلسل وبيدعموه.
