أحمد العوضي: معنديش صراع نمبر وان.. وحب الناس ليا أبرك من نجاحي
تحدث الفنان أحمد العوضي عن انفصاله عن الفنانة ياسمين عبد العزيز وحبه لها، وعن رأيه في لقب نمبر وان وحب الجمهور له.
وقال أحمد العوضي في تصريحات تليفزيونية: فيه فرق بين إن الزواج ينتهي، والحب ينتهي، ولا تنسوا الفضل بينكم، ولسه بقول أن ياسمين عبد العزيز الحب الحقيقي في حياتي، وانفصالنا أقدار، هذا لا يعني أنها الأهم في حياتي، ودا قسمة ونصيب، وانفصالنا كان راقي على قد احترام الناس لينا واحترامنا لنفسنا، الناس تشوف مننا الحلو فتبقى قدوة أننا نصدر طاقة حلوة.
وأضاف العوضي: عمري ما كان عندي صراع نمبر وإن مفيش رقم واحد في المطلق الواحد هو الله، ومفيش حد واحد طول الوقت، مفيش حد رقم واحد طول الوقت ومفيش حاجه اسمها كده لأن دي مش عدله الدنيا.
واختتم العوضي حديثه: عمري ما هقولك أني رقم واحد لأني مبصدقهاش لأن لو كانت دامت لغيرك مكنتش تجيلك، حب الناس ليا ابرك من نجاحي.. والغرور هو بداية النهاية، يشغلني السنة الجاية ابقى انجح من حق عرب، ويهمني حب الناس أكتر من النجاح حب الناس هو ده الموضوع.. أقوى واحد والناس تحبني لأن الناس بتحب القوي.
