اتهموه بالإلحاد.. علاء مرسي: ابن بيومي فؤاد انطرد من المعهد بعد أزمته مع محمد سلام
كشف الفنان علاء مرسي مفاجأة عن أزمة بيومي فؤاد مع محمد سلام، مشيرًا إلى أن نجله صديقا مقربا لنجل بيومي وأخبره أنه طرد من المعهد بعد الأزمة واتهم بالإلحاد.
وقال علاء مرسي خلال لقائه مع القاهرة 24: عشت عن قرب من بيومي فؤاد، وابن بيومي محمد صديق مقرب من ابني والاتنين مساعدين إخراج وتقريبًا عايشين عندي، وفي يوم لقيت محمد ابني بيقول لي إن محمد راح المعهد وطردوه وشتموه وييقولوا أنه بعد موقف أبوه ألحد، والبنت الصغيرة يشتموها في الشارع ومدام بيومي بتتشتم على صفحات الفيس بوك.. إيه الأخلاق دي وقلة الأدب دي.
وأضاف مستنكرًا: أنا بقى مع بيومي، وبيومي ما غلطش وعمل مسرحية إيه المشكلة، ما إحنا هنا كنا بنعمل مسرحيات، ومين الجمهور اللي بيشتمه؟ ده فيه أشباح على السوشيال ميديا ولما ندخل على الأكونت نلاقيه مقفول.. أنت بشتمني ومغلق! يعني إيه صفحتك مغلقة وليه.
وتابع علاء مرسي: بيومي اعتذر مجازا لأن اللي هو قاله ما ينفعش يعتذر عنه، وهو غصب عنه لأن ده واحد بيتشتم ومتهم أنه مضلل ولم يتضامن مع القضية وعيال بيشتموه فلما طلع على المسرح وشكر كان أوفر في الشكر، والأوفر ده مش بييجي عمدًا.
آخر أعمال علاء مرسي
على جانب آخر، شارك الفنان علاء مرسي في الموسم الرمضاني 2024 في عملين وهما مسلسل عتبات البهجة بطولة الفنان الكبير يحيى الفخراني والذي عرض في النصف الأول من الشهر الكريم، ومسلسل كوبرا الذي يعرض حاليًا وبدأ عرضه في الثاني من شهر رمضان.
