قطعناه 11 حتة ومارسنا العلاقة بجوار الجثة.. اعترافات المتهمة وعشيقها بإنهاء حياة زوجها وتقطيعه في بدر | خاص
جريمة بدر.. إنه لمن الصعب تصوّر أوصافٍ تتناسب مع الوقاحة والجرم البشع الذي ارتكبته المتهمة الأولى، حيث غمرت نفسها في بحيرة من الخيانة والفساد الأخلاقي، لاستغلالها ثقة زوجها لتنخرط في علاقة مشينة مع عشيقها وهو ابن عمة زوجها، وما يزيد من سوء الأمور، انهما لم يكتفوا بارتكابهم تلك الجريمة البشعة ولم يكن الأمر يتعلق فقط بالتخلص من المجني عليه، بل امتد ليتضمن الفعل الفاحش والشنيع، حيث مارسا الجنس بجوار جثمان الضحية، وكأنهما يعزفان سيمفونية الفساد والدموية بكل براعة.
اعترافات المتهمة وعشيقها بإنهاء حياة زوجها وتقطيعه في بدر
وينفرد القاهرة 24 بنشر أقوال المتهمة الأولى في القضية المعروفة إعلاميا بجريمة بدر، وجاءت أقوال الزوجة المتهمة: أسمي فاطمة. ع. س 32 سنة مقيمة بالأقصر، اللي حصل إن أنا كنت متزوجة ياسر. ع الضحية من 13 سنة، وأنا تعرفت على سيد. ك. ع المتهم الثاني من 3 سنين، عشان هو ابن عمة جوزي وكان بيجي لنا البيت، وسيد كان بيجي لي في البيت الجديد بمدينة بدر كل لما ياسر بيكون مش موجود.
وأكملت: ومن حوالي شهر تقريبا كده سيد طلب مني اني انزل أجيب منوم واداني اسمة وهو اسمة كلوزابيكس، وقالي انزلي هاتيه من الصيدلية، وقالي أحطه في الأكل لجوري ياسر عشان خاطر ينام، عشان سيد كان عايز يبات معايا في الشقة، وفعلا انا عملت كده ونزلت الصيدلية واشتريت المنوم وحطيته لجوزي في الأكل وكنت بحط له 1 أو 2 في الأكل، وهو كان بينام ولما كان بيصحي ويقول لي أنا دايخ كنت بقول له ضغطك عالي حد الحباية دي ونام، وكنت بديلة قرص منوم تاني.
وأضافت: وسيد خلال السنتين كان بيقول لي تعالي تخلص منه وتورثيه وتتجوز، وأنا كنت رافضة وكنت بقول له تعالى نهرب وهو رفض، ومن حوالي أسبوعين قالي احنا لازم نخلص عليه ونقطع جثته ونرميها، وهخليكِ تروحي تبلغي أنه نزل الشغل ومرجعش، وأنا قولت له إن الحكومة هتعرف قالي لا متقلقيش، وبعدين يوم 31/12/2023 قالي أنا هاجي بليل وهقتله وملكيش أنتِ دعوه بأي حاجة، بس كل اللي عليكِ تديله الأقراص المنومة، وأنا فعلا عملت كده وحطيت قرصين في الأكل وهو نام فعلا وبعد كده كل لما يفوق كنت بقولة ضغطك عالي وأدي له قرص.
وأردفت: لحد لما سيد جه وكانت حوالي الساعة 1 صباحا يوم 1/1/ 2024، واليوم ده قالي أنا هخلص عليه وأنا فضلت أدي ياسر المنوم لحد لما خلصنا شريط البرشام، وبعدين الساعة 7 مساء قالي انزلي وملكيش دعوه بحاجة وأنا هخلص عليه وأنا اخدت ابني ونزلت، وبعدها بربع ساعه كلمني في التليفون وقالي اطلعي ولما طلعت شوفت ياسر متغطي بالبطانية وكان عليها دم على السرير في أوضة النوم بتاعتنا، وابني حسن كان قاعد في الصالة ومشفش حاجة وسيد قالي مش هنعمل حاجة النهاردة عشان هو تعب في قتله، وعشان حسن ميشوفش حاجة وبعد كده طلعت قعدت مع ابني في الصالة لحد ما نام الساعة 11 مساءًا.
وأكملت: وبعد كدا دخلت الأوضة التانية وقعدنا نتكلم هنعمل أي في الجثة وبعد كده نمنا مع بعض (عملنا علاقة زوجية)، وبعد لما خلصنا سيد نام في الأرضة، وأنا طلعت مع ابني بره تحت لحد الصبح، وثاني يوم اللي هو2/1/2024 ابني صحي وفطرته ونزلته الشارع عشان يلعب، وأحنا نتخلص من جثة ياسر وسيد لف الجثة في البطانية وسحبتها أنا وهو على الحمام، وكانت المرتبة فيها دم وقلبها على ضهرها واخد مخدة السرير القطن عشان يحط فيها الجثة.
وأضافت: وبعد كده طلب مني انزل اسحب فلوس من البوسطة من الحساب بتاعي وأجيب أكياس زبالة كبيرة سودة وأجيب سكينة كبيرة، وكانت الساعة 12 الظهر، وأنا سحبت الفلوس وجبت الحاجة جيت كيلو أكياس الزبالة من محل في شارع الخزان، والسكينة جيتها من واحد فارش في السوق، وبعد كده طلعت البيت اديته الحاجة وكانت الساعة 1 مساءً، وهو قالي خليكِ بره وأنا هقطع الجثة وأعبيها في الأكياس، وتنزل ترميها في الزبالة ولقيته الساعة 3:30 العصر خرج لي من الحمام، وقالي أنا خلصت وبدأ يحول الأكياس على الأوضة بتاعت النوم اللي قتل فيها ياسر.
وتابعت: وأنا شوفته وهو بيحولها وكان عددهم 11 كيس كبار، وكان في واحد بتاع منظفات بينادي تحت البيت قالي اشتري منه كلور خام وأنا اشتريت كيسين كلور خام، وهو خدهم مني وبدأ ينصف الحمام من الدم وبعد كده لما خلص نزل أول كيسين كان فيهم أجزاء من الجثة بتاعت ياسر، وقعد شوية على القهوة وبعد كده طلع قالي أن الأكياس دية ممكن تتقطع وعايزين نجيب أكياس أجمد، وبعد كده اتغدينا ونمنا مع بعض (أقمنا علاقة) وكنا قفلين الباب على نفسنا، وكان ابني في الصالة ولما خلصنا طلعت نمت جنب ابني لحد الصبح.
وأردفت: وثاني يوم 3/1/ 2024، يوم الأربع نزل بكسين وكلمني في التليفون وقالي أوصي لي المحل اللي جبتي منه الأكياس عثمان أنا هروح اشتري أكياس أجمد شوية، ولما راح لقي المحل قافل وقالي أنا هستناه لما يفتح وقعد على القهوة لحد لما فتح المحل اشتري الاكياس وطلع، وهو طالع كلمني عشان ادخل ابنى البلكونة عشان ميشوفش وحط الأكياس الجديدة اللي اشترها وكان الونها كحلى ولبني وأخضر، وكان فيه كيس في البيت لونة أصفر حط لي فيه الهدوم بتاعت ياسر اللي كان لابسها والبطانية.
وأشارت: وبعد كده نزلت حسن ابني يلعب في الشارع وأنا نزلت بالكيس الأصفر رميته في صندوق الزبالة بعيد عن البيت، وطلعت البيت، وقعدت أنا وسيد وأنا عملت أكل واتغدينا، وبعد المغرب أداني كيس ثاني نزلت رميته كان في أجزاء الجثة، وبعد كده ندهت على ابني وطلعته، وسيد كان قافل على نفسه، ولما ابني نام دخلت لسيد وقعد يكلمني ويقولي متخافيش الموضوع هيعدي.
وأكملت: وبعدين طلعت لابني في الصالة، ولما الصبح طلع يوم الخميس 4/1/ 2024 نزلت ابني الشارع وهو قالي خدي كيس وانزلي، وأنا أخدت كيس لونه أخضر وركبت توكتوك ورحت على البوسطة عشان أسحب فلوس، وبعدين هو كلمني وقالي أنت غبية إزاي تروحي بالكيس اللي فيه الجثة لغاية البوسطة وبعدين رجعت رميت الكيس في صندوق زبالة قريب من البوسطة، وبعدين روحت على ورجعت على البيت ابني كان في الشارع بيلعب، ولما طلعت قالي عايزين شوال أبيض كبير فرحت سحبت فلوس من مكنه منطقة الخزان.
واختمت: واشتريت شوال عشان نحط في الراس والحاجات اللي باقية من الجثة، وده كان أكبر كيس وبعد كده أنا ندهت على حسن من البلوكونة وقولت له يروح يجيب شيكارة من محل بتاع الخضار اللي في العمارة القديمة اللي كنا سكنين فيها، وفعلا جاب الشكارة وسيد نزل في اليوم ده بكسين ورماهم وبعدين آخر كيس كان لونه أسود، وكان كبير اللي فيه الراس حط الكيس ده في الشكارة وبعدين انا نزلت بعديه بأخر كيس من الـ 11 كيس.
