الراقصة هندية مستغيثة: سرقوا كابل المحل بتاعي.. ومعنديش ولاد يقفولي وإخواتي ماتوا | فيديو
استغاثة الراقصة هندية، من مالك عقار يتعمد مضايقتها وقطع الكهرباء عن محلها الخاص، رغم سداد ديونها كاملة، مشيرًا إلى أنه سرق منها كابل كهرباء قيمته 30 ألف جنيه.
هندية: سرقوا منى كابل بـ 30 ألف
قالت الراقصة هندية في حوارها مع القاهرة 24: سرقوا كابل بـ 30 ألف، وأنا ماشية لقيتهم موصلين الكابل بحاجة تانية، ولما سألت قالوا إنهم خدوه ركبوه في حته تانية، أنا ذنبي تاخد الكبل بتاعي ليه؟.
وواصلت هندية: لجأت للصحافة، لما لقيت نفسي مش عارفة أتصرف ولا عارفة آخد حقي، ومعنديش ولاد يقفولي، وأخواتي الرجالة ماتوا الثلاثة ورا بعض، ومعنديش غير أخ وكبير في السن، مش لاقيه حد فعلًا أنا لوحدي مش معايا غير ربنا.
هندية: صعب أشتغل في الفن بسبب الشللية
وفي سياق آخر، كانت تحدثت هندية من قبل علاقتها بـ الزعيم عادل إمام ونصيحته لها، بجانب تعرضها لهجوم كبير من البعض، وغيرها من الأمور التي تطرقت إليها في لقاء تليفزيوني لها، قالت فيه: عادل إمام طلبني للضرورة.. وقالي أنت متخنتيش ومحافظة على وزنك، وأنا حاليًا صعب أشتغل في الفن بسبب الشللية.
وتابعت: وقت أزمة الكلب، الجمهور قالوا لي ألفاظ ما سمعتهاش في حياتي، لدرجة إني قلت كفاية خلاص أنا رميت الكلب فأخدوا الكلمة، وأنا نفسي ربنا يرزقني بحسن الخاتمة.. وحلمي الوحيد أن ربنا يرضى عني.
