والد عروس البحيرة بعد تلبية مرتضى منصور لحضور حفل زفافها: خلّى الفرحة فرحتين.. ومكنتش مصدق| بث مباشر
شهدت مدينة دمنهور في محافظة البحيرة، مساء أمس الأربعاء، حضور المستشار مرتضى منصور، رئيس نادي الزمالك السابق، ليلبي دعوة المهندس أحمد حمودة، مشجع زملكاوي، لحضور حفل زفاف ابنته، وسط استقبال حافل من أهالي البحيرة.
فرحة والد عروس البحيرة بعد تلبية مرتضى منصور لحضور حفل زفافها
وعبر والد عروس دمنهور عن فرحته الكبيرة بحضور المستشار مرتضى منصور حفل زفاف ابنته، حيث قال: دمنهور أمس تزينت بحضور المستشار مرتضى منصور، والفرحة بقيت فرحتين.
وتابع والد عروس دمنهور: أول مرة في تاريخ نادي الزمالك أشوف رئيس نادي بيلبي دعوة مشجع زملكاوي.. وأنا مش بيني وبين مرتضى منصور أي صلة قرابة، ولكن حضوره فرح بنتي دا يدل على شدة حبه لنادي الزمالك حتى لما ساب منصبه.
وأضاف والد عروس دمنهور: اللي يعرف مرتضى منصور هيعرف إن قلبه أبيض جدا، وهو مشهور دايما بإنه بيجبر الخواطر.. وحضوره امبارح فرح بنتي فرّحني وفرّح أسرتي.. ومكنتش مصدق، ولحد آخر لحظة كنت بقول إنه مش هييجي.. وسيادة المستشار شرفنا وأنا بشكره جدا لتواجده وأنه أسعد شعب دمنهور كله.
