ياسمين عبد العزيز تكشف حقيقة لقائها مع أحمد العوضي في سحور القاهرة 24
كشفت الفنانة ياسمين عبد العزيز، حقيقة لقائها مع طليقها الفنان أحمد العوضي، في سحور موقع القاهرة 24، معربة عن استيائها الشديد من انتشار العديد من الشائعات حول لقائهما.
وقالت ياسمين عبد العزيز، في حوارها مع الإعلامية إسعاد يونس، في برنامج صاحبة السعادة: قعدوا يقولوا انتوا في السحور شوفتوا بعض كل ده متركب أنا وأحمد مشوفناش بعض في السحور، هو كان موجود في وقت وأنا موجودة في وقت مختلف، يا جماعة ارحمونا بجد، هيستفيدوا إيه إنهم يوقعوا بينا؟.
وأضافت ياسمين عبد العزيز: كمية كلام بيقتال كذب، وناس كتير مصدقة إن أنا وأحمد شوفنا بعض وإني بتنهد، أنا التنهيدة دي عندي من ساعة ما اتطلقت، وحاسة إن فيه حاجة وجعاني في قلبي، ومش عارفة لو شوفته ممكن يحصل إيه.
وأضافت ياسمين عبد العزيز: أنا طول الوقت بهرب، بفتح الفيسبوك ألاقينا حاضنين بعض، أفتح التيك توك ألاقيهم عاملين لينا فيديوهات، يا جماعة ارحموني الحاجات دي بتوجع وبفكر في اللي فات خاصة إني بحبه.
بكاء ياسمين عبد العزيز وتكشف تفاصيل طلاقها من أحمد العوضي
وعن سبب طلاقها من الفنان أحمد العوضي، فقالت ياسمين عبد العزيز: أقسم بالله سبب الطلاق مش خيانة، وفيه ناس مؤذية كتير بقالهم سنين بيأذوني وربنا يجبلي حقي، وأكيد لو خيانة أنا مش هسكت، والجمهور الحقيقي اللي بيحبنا بيحبنا مع بعض، فيه ناس قلبها أسود وحقودة مبيحبوش يشوفوا اتنين بيحبوا بعض ميعرفوش يعني إيه حب.
وأضافت ياسمين عبد العزيز باكية: أكيد كان فيه مشاكل قبل الطلاق، وأنا مش بحب أحمد أنا بعشقه، أنا لما حبيت أحمد اكتشفت إني مكنتش بحب قبل كده، وإن أحمد هو أول حب في حياتي.
واستكملت ياسمين عبد العزيز: أنا كنت فاكرة إن قبل كده ده حب ولكن هو مش كده، أحمد الحب الحقيقي، أنا عن نفسي عملت استخارة وعمرة واللي ربنا رايده يكون، وعارفة إنه بيحبني وهو عارف إني بحبه.
ياسمين عبد العزيز وأحمد العوضي
كما سبق وأن كشف الفنان أحمد العوضي، حقيقة لقائه ب، طليقته ياسمين عبد العزيز، في سحور القاهرة 24، حيث قال في تصريحات تليفزيونية، أنه لم يقابل طليقته ياسمين عبد العزيز، خلال سحور القاهرة 24 على الإطلاق، وأن جميع الفيديوهات التي انتشرت خلال الفترة الماضية من سحور القاهرة حول التفات ياسمين عند رؤيته ليس لها أي أساس من الصحة.
