لونه اجرب.. فتاة تشكو من مايوه هادية غالب: قالتلي مش هينفع أغيره عشان عدى عليه 17 شهر
اشتكت فتاة تدعى مريم العدوي، من مايوه هادية غالب، حيث تغير لونه بعد شرائه بعد عام.
لون المايوه اجرب
ونشرت الفتاة مجموعة من الصور تؤكد تغيير لون المايوه، قائلة: أنا قبل كده اشتريت مايوه من هادية غالب، وبعد سنة لونه اجرب تماما وبعتلها كذا مرة.
وأضافت: بعد شهور في الآخر ردت وده بعد 17 شهر، أنه مش هينفع تغيره علشان عدى عليه شهر على أساس أن المايوه بيقعد صيف واحد، وبعدين صلاحيته تنتهي مثلًا.
رفضت ترجع المايوه
واستكملت: كتبت كومنت على إنستجرام وكذا حد علق أن عنده نفس المشكلة فمسحت كل التعليقات، مضيفة: أنا حاطة صورة المايوه اللي لونه راح وصورة الكاش مايوه لونه المفروض كان زي المايوه بس لونه مراحش، لأنه قماش مختلف عن قماش المايوه وشوفوا فرق اللون.
سعر مايوه هادية غالب 2024
وانهالت تعليقات رواد مواقع التواصل الاجتماعي على منشورها غاضبين من جودة المنتج، فقالت إحدى المستخدمات: ده لو من أرخص مكان مش هيتغير لونه كده، وعلقت أخرى: والسنة دي عاملة مايوه بـ 15 ألف جنيه.
وتتصدر البلوجر والإنفلونسر هادية غالب ترند مواقع التواصل الاجتماعي، بعد عرضها لأحدث مايوهات الصيف لموسم 2024، نتيجة ارتفاع أسعاره المبالغ فيها.
ونشرت غالب مجموعة من الصور لتصاميم مايوهاتها الجديدة، والتي يتراوح سعرها ما بين 13.972 إلى 14.972 ألف جنيه، أي ما يقرب من 15 ألف جنيه، وسرعان ما انتشرت الصور بين رواد مواقع التواصل ما أثار جدلًا واسعًا بسبب ارتفاع أسعاره.
