علي قدورة: عصام صاصا مبيتكلمش كلمتين على بعض..وكل يوم بنشوف نفس الحادث
دافع المطرب المعتزل علي قدورة، على مطرب المهرجانات عصام صاصا في أزمته الأخيرة بعد دهسه مواطنًا على الطريق الدائري، مشيرًا إلي أن يعيش الأخير حالة نفسية سيئة.
قال علي قدورة خلال مقطع فيديو، عبر حسابه الشخصي بموقع التيك توك: أنا كلمت عصام صاصا إمبارح وهو في حالة سيئة مبيتكلمش كلمتين على بعض، يعنى حالته لا تسمح أن أي حد يكلمه، وأنا كنت بتواصل معه من 5 أيام ومكنش بيرد، وكنت عايز أطمن عليه بأي طريقة مكنش بيرد خالص طبعا هو موقف صعب ولا نملك إلا الدعاء ربنا يصلح الأحوال.
وتابع علي قدورة: كل يوم بنشوف نفس الحادث وياريت محدش يعدي على طريق سريع، وبلاش نسمع من غير دليل ونعيد ونزيد في الموضوع، وبلاش نتكلم في حاجات إحنا مش عارفينها، وربنا ينجي أخويا وصحبي منها على خي، لأني مشفتش منه حاجة وحشة وبحبه بجد وقلبي عند قلب المتوفي، ربنا يرحمه ويغفرله.
زوجة عصام صاصا تخرج عن صمتها
وعلى جانب آخر، دافعت زوجة عصام صاصا، عن مغني المهرجانات بعد أزمته الأخيرة، حيث كتبت عبر ستوري، على حسابها الشخصي بموقع إنستجرام قالت فيها: عصام أكثر واحد عمره ما بيرد على كلام الناس، بس الطرف الثاني ربنا يصبرهم يا رب، الإعلام استغلهم وخلاهم يطلع يكلموا في وقت المفروض حد يقف جنبهم ويصبرهم، وخلاهم يكلموا وهما أصلا مكنوش في الواقعة، بيقولوا إن أخوهم كان واقف على رصيف غلط الكلام ده غلط ومن أول يوم وعصام قال أقواله في النيابة إن الراجل ظهر في نص الطريق.
