حمو بيكا عن معاناته بسبب الشهرة: كنت مرتاح البال.. وما تعملش باقة بـ 50 جنيه عشان تتنمر على الناس
وجه الفنان حمو بيكا رسالة للمتنمرين عليه، إذ أشار إلى أنهم يجب العمل على أنفسهم بدلًا من التنمر على المشاهير، بجانب كشفه أيضًا عن بعض الأزمات التي مر بها في حياته خاصةً بعد الشهرة.
حمو بيكا عن معاناته بسبب الشهرة: كنت مرتاح البال
وتحدث حمو بيكا خلال تصريحات تليفزيونية قائلًا: قبل الشهره كنت مرتاح البال وكنت بعمل كل حاجة وأنا حر من غير إضاءة ودلوقتي كل حاجة بعملها بحساب وأنا بدأتها من تحت الصفر واشتغلت وتعبت وبقول للناس اتعبوا واشقوا.
حمو بيكا للمتنمرين: روح اشتغل بدل ما تتنمر على الناس
وتابع حمو بيكا رده عن المتنمرين عليه قائلًا: بقولهم بلاش تبقى عامل باقة بـ 50 جنيه وقاعد تتنمر على الناس، ما دي مصاريف ليك أنت أولى بيهم روح اشتغل وشوف الحياة بدل ما تتنمر على الناس، وتبقى فاضي كده.
حمو بيكا: قولت لأمي هتكوني فخورة بيا
وتحدث حمو بيكا عن تنبؤه بالنجومية مع والدته من قبل الشهرة إذا قال: كان عندي طموح إني هوصل في يوم من الأيام، وكان حلمي أكون حاجة كبيرة وكنت قاعد مع أمي قبل ما أغني وقولت لها بكرة تبقي فخورة بيا.
وفي سياق آخر تحدث حمو بيكا في تصريحات لـ لقاهرة 24، عن أزمته الأخيرة في مدينة الأقصر ومنعهم من إقامة حفل بها قائلًا: أنا بحب أهل الأقصر والصعيد، وأحب أقدم حفلة هناك، ولكن فسخت تعاقد الحفلة من قبل رمضان بسبب سوء التنظيم، وإزاي الحلقة مش مباعة و70% من التذاكر مباعة.
