حمو بيكا عن أزمة مر بها مع زوجته: قفشتني بقول السهرة كانت حلوة.. وشاكوش أفضل من عمر كمال
كشف الفنان حمو بيكا تفاصيل أزمة مر بها مع زوجته، والتي كادت أن تتسبب في انفصالهما، بجانب حديثه أيضًا عن فترة حبسه، مشيرًا إلى أن حسن شاكوش أقوى من عمر كمال في أداء أغاني المهرجانات.
حمو بيكا عن أزمته مع زوجته: سمعتني بقول السهرة كانت حلوة
وتحدث حمو بيكا عن أزمة مر بها مع زوجته خلال سماعها حديث له في سيارته الخاصة قائلًا: حصل مشكلة بيني وبين زوجتي في العربية لأنها سمعتني وأنا بقول في التليفون السهرة كانت حلوة، بس البنات دي مكنتش تبعي ولا كانوا في عربيتي كانوا تبع صحابي، وأنا مابحبش وجود البنات في حياتي، والحمد لله علاقتنا مافيهاش مشاكل كتيرة.
وأضاف حمو عن المقارنة بين عمر كمال وحسن شاكوش من حيث الأقوى في الأداء قال: حسن شاكوش أقوى في الأداء من عمر كمال، وعمر ليه تفاصيله الخاصة في الشغل أما حسن أنا اشتغلت معاه كتير جدًا.
حمو بيكا عن أزمة حبسه
وأضاف عن أزمة حبسه: محدش كبير على الحبس سواء فنان أو غيره والمشكلة اللي اتاخدت فيها ماكنش ليا يد فيها خالص، بس اسمي أتذكر فيها وخرجت في نفس اليوم.
وتابع حمو عن وجوده الدائم ضمن برنامج رامز الشهير خلال السباق الرمضاني قائلًا: رامز بيحبني وبيحب يجيبني معاه كل سنه وأنا بحبه وبكون رايح عارف أني رايحله ولكنه بيخفي عليا المقلب.
حمو بيكا عن أزمته مع هاني شاكر: كان حاططني في دماغه
وعن سبب الخلافات السابقة بين هاني شاكر وحمو بيكا قال الأخير: كان حاططني في دماغه ومكنش بيدينا أي اختيار، وكان عاوز يمنعني من الغنى وأنا عندي جمهور كبير، والحمد لله دلوقتي عندنا مصطفى كامل بيحمينا، وربنا يخليه لينا.
