إلهام شاهين: نفسي نوثق حياتنا لأننا لما نموت محدش هيلم ورانا
قالت الفنانة إلهام شاهين على هامش حضورها ملتقى أرشفة الأعمال الفنية وذكريات الفنانين، إنها تتمنى توثيق حياة الفنانين، وذلك بسبب الهجوم المستمر على الفن في الفترة الأخيرة، موضحة: أنا نفسي نوثق حياتنا لأننا لما نموت محدش هيلم ورانا، وبقى فيه هجوم كبير أوي على الفن وبقى في حته نفسية مش مظبوطة، يمكن يكون في بعض التصرفات والإعلام بياخد الفساتين ومبياخدوش التاريخ واحنا دورنا نركز عليه.
وأضافت إلهام شاهين: بقرأ تفاهات على السوشيال ميديا للجمهور وكنت في مهرجان ورايحة لفيلم بطولة محمود حميدة، وطلعت مع الفيلم ورئيسة المهرجان قابلتني قولتلها أنتم بتقبلوا كل يوم اللي جاي قالتلي دا في رئيس هياجيلك، ورئيسة المهرجان استناني عشان أقابل الرئيس طلعت لقيت قاعة وفي ناس كتيرة وقام مفتي روسيا والصالة كلها سقفت لمصر فين الكلام ده متوثقش ليه؟.
وواصلت إلهام شاهين: الصحافة بتدور على أي حاجه خايبة تقولها عننا ووصلت لقيت رئيس الدولة مستنيني بنفسه، وقالي المفتي حكالي عنك وإنك عملتي إيه بموقفك تجاه الإخوان وأنتي ليكي اليد الكبرى اللي خلت ناس كتير تتكلم وكلامي عن مرسي عملي مشاكل لحد دلوقتي أني وقفت ضد الإخوان.
محمود حميدة يتحدث عن الرقمنة
كما تحدث الفنان محمود حميدة على أرشفة الأعمال الفنية وذكريات الفنانين، إذ قال: عاصرت المشروع لما كان فكرة، ومحصلش دافع مني ولكن كان الوعي بتاعي مش متضمن في النظام الرقمي كنت غايب عن الثورة اللي حصلت وخارج الوعي بتاعي، وازاي أنا أكون ضمن النظام الرقمي وبعد ثورة المعلومات اللي حصلت لو مدخلتش في الرقمنة هيبقى خارج العالم ومحدش هيفكر فيه.
وأردف محمود حميدة: الثورة التكنولوجية نمت على 3 مراحل وأخرهم دلوقتي مع الألفية الجديدة ونفسي الوعي يدخل لكل الناس الكريمة على أرض مصر ولو حد فضل يتكلم واحنا خارج الوعي مش هيتنفذ الكلام.
