مخرج وثائقي أم الدنيا: مفكرناش في تغيير سوسن بدر في الجزء التاني.. والتالت هيتناول الأسرة العلوية
تحدث المخرج محمود رشاد، عن الجزء الثاني من وثائقي أم الدنيا، المقرر عرضه قريبا على منصة واتش إت.
وقال محمود رشاد خلال لقائه مع القاهرة 24: الجزء الثاني من وثائقي أم الدنيا إن شاء الله يعجب الجمهور زي الجزء الأول، والجزء ده بيتكلم عن موت كيلوباترا ودخول الرومان ولحد منتصف الخلافة الفاطمية.
وتابع محمود رشاد: ألف سنة فيهم تغيرات كتير زي حكم الرومان لمصر، فترة كانت مليانة بتغيرات ثقافية، كلنا كنا قلقانين من البداية وكان هدفنا من البداية إننا نعمل جزء أنجح من الأول ومفكرناش خالص نستبدل الفنانة سوسن بدر، هي اللي بدأت السلسلة ولازم تنهيها.
وثائقي أم الدنيا
وفي سياق آخر، تحدثت الفنانة سوسن بدر عن طموحاتها الفنية، حيث قالت خلال لقائها مع القاهرة 24: أنا لسه عندي أحلام كتير في الفن، وبعتبر نفسي لسه ببدأ، وحاسة إننا لازم نقدم أكتر من كدة للمجتمع ولبعض، ومش عيب إني معرفش حاجة وأتعلم، أنا قعدت مع أساتذة أتعلمت منهم حاجات كتير.
