شدها من شعرها والآخر شتمها.. فتاة تروي تفاصيل تعرضها للتحرش في المواصلات من قبل مسن وشاب
نشرت فتاة تدعى حسناء أشرف، عبر حسابها الشخصي بموقع التواصل الاجتماعي فيسبوك، منشورًا لها، تروي من خلاله تعرضها للتحرش من قبل رجل مسن في المواصلات، والسب والقذف من قبل أحد الركاب، مدافعًا عن المسن.
فتاة تتعرض لـ التحرش داخل المواصلات من قبل مسن
وقالت حسناء أشرف، في منشور لها، أنا مبركبش مواصلات عامة بسبب خوفي من التعرض للمواقف دي والتحرش من رجالة بلدنا ومرتبي كله ضايع على أوبر، النهاردة الدنيا مكانتش زحمة أوي فقولت فيها إيه لما أركب مواصلات ونوفر النهاردة يا حسناء؟، وكالعادة طلع قرار خاطئ تماما، قاعدة في الكرسيين اللي جنب السواق حاطة السماعات، كل شوية أحس بإيد بتتحط ع الكرسي بتاعي من ورا ولازقة في ضهري، بصيت لقيته راجل كبير قولتله ممكن بس إيدك بعد إذنك يا حج، بصلي باستغراب ومتحركش، فقدمت أنا بنفسي قدام، كل شوية إيده بتتحرك مرة تانية إما تشد شعري أو تعمل حاجة غريبة أنا مش قادرة أحددها.
وواصلت حسناء أشرف، الراجل بصلي باستغراب ومتحركش، وقدمت أنا بنفسي قدام، كل شوية يده بتتحرك مرة تانية، إما تشد شعري أو تعمل حاجة غريبة أنا مش قادرة أحددها، ولفيت قولتله بعد إذنك بس يا حاج إيديك من على الكرسي، قالي ايه هو أنا لمستك.. إنتي فاكراني بعاكسك يعني؟، قولتله أنا مقولتش إن حضرتك بتعاكسني ممكن بس إيدك من على الكرسي؟، راح ماسك الكرسي بايديه الاثنين ويخبط فيه وقالي لا مش هسيبه، هو انتي فاكراني قدك وهعاكسك قولتله هو إنت بتعمل ايه شيل إيدك من عالكرسي.
وأضافت حسناء أشرف، لقيت ولد جنبه بيقولي انتي بتتكلمي كده ليه ده راجل قد أبوكي، قولتله خليك في حالك لو سمحت أنا مغلطتش فيه، لقيت البطل اللي ف الفيديو اللي تقريبا مستحملش يشوف واحدة راجل كبير ضايقها وترد عليه، وبدأ يقولي انتي بتتكلمي كده ليه، وسيل من الشتائم الزبالة اللي من كتر ذهولي وخضتي منها فضلت ساكتة شوية ومجاش في بالي غير اني اطلع الموبايل أصوره.
واستكملت حسناء أشرف، طب انا دلوقتي مركبتش مواصلات من سنين ولما قررت اجرب حظي يحصل كده؟، هل ده معناه انى هفضل طول عمري مش عارفة احوش جنيه بسبب فلوسي اللي ضايعة ع اوبر وديدي ؟، هل كل مرة هحاول اني اوفر فيها هتعرض لمواقف كل ذنبي فيها اني دافعت عن حقي ؟، أنا بالفعل حررت محضر بالواقعة في قسم شرطة البساتين.
