محمود حسني لاعب رفع الأثقال ينتقد حصوله على مكافأة 4500 جنيه
انتقد محمود حسني بطل رفع الأثقال حصوله على مكافأة مالية 4500 جنيه، بعد تتويجه ببطولة إفريقيا مع منتخب رفع الأثقال، إضافة إلى ضعف المكافأة بعد حصده المركز الثالث في بطولة العالم للكبار.
محمود حسني لاعب رفع الأثقال ينتقد حصوله على مكافأة 4500 جنيه
وكتب محمود حسني عبر حسابه الرسمي على موقع التواصل الاجتماعي فيسبوك: من كام يوم كده نزلت مكافئات بطولة إفريقيا ودي أنا حققت فيها ميدالية ذهب وميداليتين فضة والاتحاد قال لي إن المكافأة 4500، وأنا طبعا مرضيتش أستلم الشيك.
وأضاف: برضو في شهر 9 اللي فات كانت بطولة العالم الكبار اللي حققت فيها برونزية الكلين والنطر وأكون أصغر عربي وإفريقي يحقق ميدالية في بطولات العالم للكبار وبرضو أخدت المكافأة على المجموع، وأنا جبت رابع مجموع وساعتها اتكلمت كتير مع وزارة الشباب والرياضة إنهم يدوني حقي والمكافأة تكون على الميدالية اللي حققتها لكن للأسف مفيش استجابة.
وأشار: احنا بنتمرن ونتعب وننجح علشان نلاقي مقابل، لكن علشان نتعب بدون مقابل ده يبقي اسمه عقاب، وعلشان ننجح في بطولة قارية والمقابل 4500 جنيه (يعادل أقل من 100 دولار) ده يبقي اسمه استهانه بمجهودي.
واختتم محمود حسني تصريحاته: ياريت حد من المسئولين يقولى رأيه إيه، فيه أمل ولا نشوف مستقبلنا فى حاجة تانية؟.
