أحمد عز: بكره كلمة أنا ومن بعدي الطوفان في الأعمال.. وبشكر السعودية على حسن الاستقبال
كشف الفنان أحمد عز،عن بعض الصعوبات التي واجهته خلال تصوير فيلم ولاد رزق 3، مشيرًا إلى أن تصوير المشاهد في رمضان من أصعب المشاهد، موضحًا أن العمل الفني جماعي.
وتحدث أحمد عز على هامش حضوره العرض الخاص لفيلم ولاد رزق 3، قائلًا: الصعوبة كانت في إني صورت 20 يوما في رمضان، ولكن لما شوفت إقبال الجماهير على الفيلم هون عليا التعب كله، والجمهور هيشوف حاجه هتعجبهم.
وعن مشاهد تصوير فيلم ولاد رزق 3 في مدينة السعودية، قال: المملكة كأنها بلدي وأنا بشكرهم على الحفاوة وقولتلهم نفسي أشوفكم في مصر علشان نرد جزء من الجمايل، وكل حاجه كانت متسهلة ووفروا لينا كل حاجه.
أحمد عز: بكره كلمة أنا ومن بعدي الطوفان في الأعمال
واستكمل أحمد عز: العمل الفني عمل جماعي وعمري ما هنجح لوحدي وكلمة أنا ومن بعدي الطوفان غلط، وبتعامل مع كل مشهد بحب، وتجربة ولاد رزق رحلة كبيرة.
وفي سياق آخر، تحدث أحمد عز عن المنافسة بين الأعمال، قائلًا: المنافسة بقت صعبة دلوقتي في السينما لأن الجمهور بقى متابع بشكل جيد، وأتمنى أن يكون الجزء الجديد من ولاد رزق عند حسن ظن الجمهور، ونجاح العمل يعود لكل أبطاله، كما أني بحب شخصية رضا ومفرداته بتيجي في اللوكيشن واللزمات بتنط في دماغي، هي شخصية عبارة عن بير مش بيخلص ومفرداتها جاهزة وبتيجي لوحدها معايا.
