ريهام تقيم دعوى طلاق ضد زوجها بسوهاج: واخد مرتبي ومعيشنا على الفول والطعمية وحارمنا من اللحمة
أقامت ربة منزل تُدعى “ريهام. ر” تبلغ من العمر 38 عامًا، مُدرسة، دعوى طلاق ضد زوجها بمحافظة سوهاج، بسبب ما وصفته في دعواها بالبخل والشُح، وعدم التزامه بتوفير متطلبات المنزل.
ربة منزل تقيم دعوى طلاق ضد زوجها بسوهاج
وقالت الزوجة في دعواها، إن زوجها يعمل مُدرسًا وأنها متزوجة منه منذ 9 أعوام، وأن الحالة المادية لهما فوق المتوسطة، نظرًا لكونهما موظفان، ودخلهما يكفي احتياجات المنزل، إلا أن زوجها يصر على عدم شراء متطلبات المنزل.
الزوجة: معيشنا على الفول والطعمية وحارمنا من اللحمة
وأضافت الزوجة للقاهرة24: "حالتنا المادية ميسورة والحمد لله عشان أنا موظفة وهو كمان موظف، ودخلنا حوالي 12 ألف جنية في الشهر، وهو بياخد مرتبي شهريًا بيدفع منه إيجار الشقة والباقي بيفضل معاه بيصرف منه علينا، وبالرغم من كده شحيح وبخيل وموريني الويل أنا وبناتي الاتنين، وبيجيب حاجة البيت بالخناق والزعيق، لدرجة إنه حارمنا من اللحمة بحجة إنها غالية، وكل ما أقوله حتى يشتري نص كيلوا عشان نفسنا فيها يقول مفيش فلوس، مع إنه بياخد مرتبي ومعاه مرتبه، لكن هو بيتعمد البخل معانا، ومعيشنا على الفول والطعمية والبتنجان، وفين وفين لما يتعطف علينا ويشتري فرخة كل شهر، وإحنا على الحالة دي من أكتر من 3 سنين، لحد ما فاض بيا ومش قادرة أكمل معاه".
وأكدت الزوجة أنه يصِّر معها على البخل برغم أن دخلهما سويًا يكفي متطلبات المنزل، إلا أنه دائمًا ما يدعي البخل والغلاء حتى لا يقوم بشراء أي شئ يحتاجه المنزل.
وأمام تعنت الزوج وإصراره على موقفه من زوجته، لم تجد الزوجة حلًا أمامها سوى ترك منزل الزوجية والإقامة في منزل أسرتها ورفع دعوى طلاق للضرر الواقع عليها منه.
