أميرة تقيم دعوى طلاق ضد زوجها بسوهاج: بيمد إيده عليا وبيضرني ليل نهار من غير سبب
أقامت ربة منزل تُدعى أميرة. م، تبلغ من العمر 43 عامًا، دعوى طلاق ضد زوجها بمحافظة سوهاج، بسبب تعديه عليها بالضرب وإصابته لها بكدمات وسحجات متفرقة، واختلاقه المشكلات معها بسبب وبدون سبب، حسب وصفها.
ربة منزل تقيم دعوى طلاق ضد زوجها بسوهاج
وقالت الزوجة في دعواها، إن زوجها اعتاد على إهانتها والتعدي عليها داخل المنزل بسبب وبدون سبب، حتى وصل الأمر إلى تعديه عليها أمام أهلها.
وأضافت الزوجة لـ القاهرة24: أسلوبه معايا اتغير ليه سنتين، بيخترع أي مشكلة عشان يتخانق معايا ويهين فيا، لدرجة إنه ضربني وأهاني قدام أهلي من غير سبب، وجسمي كله متورم من الضرب، ومفيش سبب غير إنه اتعود على كده وخلاص، وانا مش قادرة أتحمل التهزيق والإهانة ومد الإيد ليل نهار، واشتكيت لأهله لكن هو راكب دماغه ومصر على تصرفاته وإهانته ليا.
الزوجة: بيضربني ليل نهار من غير سبب
وأشارت الزوجة إلى أنها أصيبت بحالة اكتئاب حادة بسبب تصرفات زوجها معها، ما جعلها تضطر إلى ترك منزل الزوجية والإقامة في منزل أسرتها ورفع دعوى طلاق للضرر الواقع عليها منه.
