الناس بتدعي عليا.. الدكتور هاني عبد الجواد يكشف معاناته بسبب تأخير الكشف
أعلن الدكتور هاني عبد الجواد سليمان، استشاري جراحة العمود الفقري للأطفال والكبار، تعرضه للهجوم الشديد من قبل المرضى بسبب محاولاته لتخفيف عدد الأفراد الذين على قوائم الانتظار للكشف، نظرًا للازدحام الشديد على عيادته الطبية.
الدكتور هاني عبد الجواد يكشف معاناته بسبب تأخير الكشف
وقال الدكتور هاني عبر منشور له على حسابه الشخصي على منصة فيس بوك، إنه تعرض لهجوم شديد من قبل المرضى الذين بـ يتم حذف اسمائهم من قوائم الانتظار للكشف الطبي بعيادته الخاصة، مُدعين أنه يقوم بـ حذف أسمائهم من القوائم وإيداع أسماء المواطنين العرب والغير مصريين مكانهم.
وعلق الدكتور هاني: نظرًا لـ ضغط المرضى الشديد والذي أصبح فوق طاقتي الشخصية وامتدت قائمة الانتظار لأكثر من 8 أشهر للكشف، وبعد عدة محاولات فاشلة لتقليل قائمة الانتظار قررنا إعطاء الأولوية للناس اللي محتاجة عمليات سواء أطفال عندهم تشوهات أو كبار ومحتاج عمليات سريعًا.
الدكتور هاني عبدالجواد: الحالات بتاخد جهد كبير جدًا
وأضاف: فلترة الحالات دي بتاخد جهد كبير جدًا للاطلاع على الأشعة وإبداء رأي مبدئي لتحديد من يستحق، والناس زعلانة عشان مش لاقين حجز أو حجزهم بـ يتلغي، وبيظنوا إني ببدي عليهم ناس الخليج علشان أستفيد ماديًا مع أني بلغي بردو بتوع الخليج وهم زعلانين بنفس الطريقة.
وعبر عن استيائه من الهجوم عليه، قائلًا: لو كنت عايز أستفيد من الموقف كنت أقبل كل الحالات وأجيب 10 مساعدين يشوفوا الناس دي وأشغل العيادة 24 ساعة 7 أيام في الأسبوع، لكن بحاول قدر ما أستطيع أن أحترم الناس اللي بتجيلي من كل البلدان عايزين يشوفوني وأشوفهم بنفسي.
الدكتور هاني عبد الجواد: الناس بتدعي عليا عشان مش بتلاقي حجز للكشف
وأوضح خلال منشوره: المشكلة إني لقيت الناس اللي مش لاقية حجز دول بـ يبذلوا مجهود خرافي وبـ يكتبوا في كل حتة عشان الأذية ويقولوا إني باخد بس مرضى الخليج، ودعاء عليا عشان مش لاقين حجز في الوقت اللي بحاول فيه أعمل ما أستطيع علشان أفيدهم، مختتمًا: يا جماعة بالله عليكم أنا عندي قدرات بشرية وجايب آخرها ومعنديش نفس تاني والله العظيم.
وهكذا عبر الدكتور هاني عبد الجواد سليمان، استشاري جراحة العمود الفقري، عن استيائه من تعرضه للهجوم من المرضى الذين حاولوا الحجز للكشف بعيادته لكنهم لم يكن لهم مكان بسبب الازدحام الشديد في أعداد المرضى.
