أحمد خالد موسى: مي كساب لم تعترض على مكان اسمها في تتر العتاولة.. وباسم اختار يكون الأخير
علق المخرج أحمد خالد موسى، على ترتيب أسماء الفنانين على تتر مسلسل العتاولة، بطولة الفنان أحمد السقا، والذي عُرض في السباق الرمضاني الماضي 2024.
وقال أحمد خالد موسى، خلال ندوته بـ القاهرة 24: شكل الاتفاق اللي بيتعمل قبل ما نبدأ المسلسل بيقفل الحاجات دي كلها، يعني نيجي مثلًا نقول التتر أنت من حقك تتكتب رقم واحد، يعني على سبيل المثال باسم سمرة في المكانة دي ينفع يعمل مسلسل لوحده ويبقى متصدر.
واستكمل: لكن باسم سمرة جاي مسلسل العتاولة وعارف أن أحمد السقا طالع أول اسم، فـ باسم بمنتهى اللذاذة قال يا جماعة أنا عايز اسمي يتكتب آخر اسم في التتر، ونكتب كل هؤلاء يلتقون مع باسم سمرة، وبالفعل مفيش مشكلة لأن مش يوم 1 رمضان بدأنا نفكر في ترتيب الأسماء على التتر.
وأضاف أحمد خالد موسى، لو عملنا كده وده عن تجربة لو إديت الناس حقها هتقولك بس أنا حاسس أن كان المفروض يتعمل غير كده، بس الأحسن أن الاتفاق يتعمل قبل ما الورق يروح، ولا مي كساب اعترضت على ترتيب اسمها، وهي من أحسن الناس اللي اشتغلت معاها وأنا بعتبرها أختي.
أبطال مسلسل العتاولة
وشارك في مسلسل العتاولة كل من الفنان أحمد السقا، طارق لطفي، باسم سمرة، زينة، مي كساب، فريدة سيف النصر، محمد التاجي، هدي الإتربي، مصطفى أبو سريع، ميمي جمال، مريم الجندي وغيرهم من النجوم، والعمل من تأليف هشام جلال، وإخراج أحمد خالد موسى.
