أنا دايمًا في الشغل.. ننشر اعترافات والد صغير الدارك ويب بجريمة شبرا الخيمة | خاص
كشف والد محرض قاتل صغير شبرا الخيمة بجريمة الدارك ويب خلال تحقيقات النيابة العامة، تفاصيل القبض عليه في دولة الكويت، واتهام نجله بتحريض المتهم الأول على إنهاء حياة المجني عليه أحمد، المعروف بـ طفل شبرا؛ وذلك من أجل سرقة أعضائه وبيعها.
اعترافات والد صغير الدارك ويب محرض قاتل صغير شبرا
وحصل القاهرة 24، على نص تحقيقات القضية رقم 1820 لسنة 2024 إداري قسم أول شبرا الخيمة، وجاءت أقوال والد صغير الدارك ويب محرض قاتل صغير شبرا الخيمة كالتالي:-
اسمي: محمد علي الزيات بشتغل مدير حسابات بشركة للمصاعد في دولة الكويت.
وبسؤاله عن تفاصيل اتهام نجله بتحريض شخص بقتل صغير بشبرا الخيمة وعلاقته بالدارك ويب؟
أجاب والد صغير الدارك ويب: اللي حصل أني لقيت جماعة من إدارة التحقيقات والأدلة الجنائية قبضوا عليا، وعدوا على البيت وخدوا علي ابني وحرزوا اللاب توب وآي باد وبلايستايشن 5 وخدوا تليفوناتي وقالوا دول أمانات ودخلوني اتحقق معايا في الكويت مع محقق، وقالي على اللي علي ابني عمله، وجابلي تليفون علي وورالي فيديوهات وأنا اتصدمت، قالي إن شاء الله خير، بس الموضوع في مصر، وتاني يوم أخدونا على وزير الداخلية الكويتي، وجابونا على مصر، وأنا والله ما عرف اللي علي كان بيعمله ده، أنا دائمًا في الشغل، وهو ميبنش عليه الكلام ده وهو ديما بين المدرسة وصحابه حتي عمره مخضع لعلاج نفسي وطول عمره طبيعي.
