وسام هلال: دخول الوسط الفني في مصر مش سهل.. ومش لازم أعمل أغاني أم كلثومية عشان أنجح
تحدث المطرب والـ DJ السوري وسام هلال، عن دخوله الوسط الفني المصري، مؤكدًا أنه ليس بالأمر السهل خاصة وأن معايير تذوق الموسيقى والفن في مصر عالية.
تصريحات وسام هلال لـ القاهرة 24
وقال وسام هلال خلال لقائه مع القاهرة 24: دخول مصر مش سهل أبدًا، مصر بتحتضن أكيد وأنا مبحسش نفسي غريب في مصر وهي احتضنتني، ولكن الوسط الفني في مصر صعب شوية، لأن تذوق الفن في مصر عالي.
وسام هلال: مش لازم أعمل أغاني أم كلثومية عشان أنجح في مصر
وواصل: ومش لازم أعمل أغاني أم كلثومية علشان أنجح في مصر، ولكن لازم أعمل شيء جديد والناس تحبه.
وتابع وسام هلال: الحمد لله المخرجين والكُتاب والملحنين اللي اشتغلت معاهم حبوا الفكرة اللي بعملها وشافوا أغانيا اللي عملتها بـ أمريكا وهوليوود وأوروبا، وقالوا ليه مناخدش الموسيقى والتوزيعات العالمية وننزل الهرم ونقعد في أحلى شارع ونكتب شيء من الشارع المصري؟، وطلعت التوليفة اللي أنا فخور بيها في أغنية حد سكة مع النجم طارق الشيخ.
وسام هلال: أغنية حد سكة بتدمج ستايل الموسيقى العالمية مع المصرية الشعبية
كما كشف وسام هلال، تفاصيل أغنية حد سكة، التي يتعاون خلالها لأول مرة مع المطرب طارق الشيخ، قائلًا: أغنية حد سكة بتدمج الاستايل اللي أنا معروف بيه، اللي هو الموسيقى الإلكترونية العالمية مع ستايل النجم الرائع طارق الشيخ، وفكرة الأغنية جت من أننا ندمج فكرة الموسيقى الإلكترونية العالمية اللي بعملها مع الموسيقى الشعبية المصرية.
