طارق الشيخ: أحمد عدوية بابا المجال.. وربنا يعينه على اللي هو فيه
تحدث المطرب الشعبي طارق الشيخ عن المطرب أحمد عدوية، مؤكدًا أنه يعتبر مثلا أعلى لجميع المطربين الشعبيين في الوسط الفني المصري.
وقال طارق الشيخ في لقائه مع القاهرة 24: أحمد عدوية بابا المجال، وهيفضل طول عمره بابا المجال، والمثل الأعلى للمطربين الشعبيين، ربنا يديله الصحة والعمر.
كما علق طارق الشيخ على أنباء إصابة المطرب أحمد عدوية بالزهايمر، قائلًا: الله أعلم جاله زهايمر ولا لأ، ولكن ربنا يعينه على اللي هو فيه.
طارق الشيخ يعلق على خلط الجمهور بين المهرجانات والأغاني الشعبية
وفي وقت سابق، أعرب المطرب طارق الشيخ عن انزعاجه من خلط الجمهور بين الأغنية الشعبية والمهرجانات، قائلًا: الخلط بين الأغنية الشعبية والمهرجان شيء سيء، ومش هيتساوى ده بده، لأن الأغنية الشعبية لحد دلوقتي بتتسمع في البيوت لكن المهرجانات سوري في اللفظ، وبتوع المهرجانات كل يوم بينزلوا أغاني علشان هما كتير ومفيش حد بابا المجال، لكن أنا أحب اللي يغني كويس ويغني كلمة كويسة.
وأضاف طارق الشيخ: المهرجانات ظاهرة وهتروح لحالها، وكل واحد بيسجل خمس أغاني وبينزل أغنية كل أسبوع وده مكانش موجود.
آخر أعمال طارق الشيخ
يذكر أن طارق الشيخ طرح مؤخرًا أغنية حد سكة، والتي تعاون فيها لأول مرة مع المطرب والـ DJ السوري وسام هلال، وهي من كلمات محمد إبراهيم وألحان إسلام عاطف وتوزيع موزع روسي اسمه سيرجي.
