البلوجر حسن بيسو يعلق على إصابته في عيد ميلاد مريم الحركي: هجيب حقي بالقانون| خاص
تصدر البلوجر حسن بيسو التريند عبر مواقع التواصل الاجتماعي بسبب إصابته في عيد ميلاد مريم الحركي التيك توكر الشهيرة، والذي أثار جدلًا واسعًا بين حسابات ومنصات السوشيال ميديا.
أول تعليق من البلوجر حسن بيسو بعد إصابته في عيد ميلاد مريم الحركي
وقال البلوجر حسن بيسو في تصريحات خاصة لـ القاهرة 24، إنه بعد دخوله حفل عيد ميلاد مريم الحركي، كان يواجه استهداف واضح له من أحد الحاضرين من خلال سلوكيات التنمر والاستفزاز، قائلًا: واضح أنه كان جاهز مع صحابه للخناق ومخططين مسبقًا، وأنا كنت بحاول أتفادى المشكلة على قد ما أقدر، لكن مسكوا فيا.
وأضاف بيسو خلال حديثه: بعد الخناقة الأولى أنا بعدت والناس خرجتهم برا، وهم كلموا ناس تانية ودخلوا تاني بالأسلحة اللي كانت معاهم، موضحًا أن من بينهم أشخاص كانوا حاضرين في الحفل وأشخاص آخرين لم يتعرف عليهم.
البلوجر حسن بيسو: الأسلحة كانت معاهم من أول الحفلة
وأكد: واحد جابني على الأرض والباقي قطعوا فيا، وأنا مش على علاقة شخصية بيهم ومعرفش ولا حد فيهم أصلًا والأسلحة كانت معاهم من أول الحفلة، وأنا متكلمتش مع حد فيهم ولا طلبت منهم حاجة.
وواصل: في لحظة الضرب أنا كنت مخضوض ومتفاجئ ومقدرتش أحدد غير 4 أشخاص، وملحقتش أركز في الوشوش لكن بشكل إجمالي هما كانوا أكتر من كدة.
حسن بيسو: مكنتش عايز أكبر الموضوع.. وهجيب حقي بالقانون
واستكمل: حاولت في أول الخناقة أحل المشكلة بهدوء ومكنتش عايز الموضوع يكبر، وقولت هو سوء تفاهم وأنا هحله وهتكلم معاه وأديت الأمان.. لكن هما دخلوا عليا مرة واحدة.
واختتم: أنا معنديش أي رسالة أوجهها لمريم الحركي وحقي هعرف أجيبه بالقانون.. وإن شاء الله ربنا هيجيب لي حقي، وهنتظر تحقيقات الجهات المختصة والتحريات بالتفاصيل، وحسبي الله ونعم الوكيل.
