سامو زين بعد عودته لمصر: وحشتني من أول يوم
أعرب الفنان سامو زين عن سعادته بالعودة لمصر، بعد غيابه عنها لعدة سنوات، مشيرا إلى إنه اشتاق لها منذ أول أيام سفره، وأنه عائد بقوة وبأعمال مختلفة.
وقال سامو زين خلال لقائه بـ القاهرة 24: مصر واحشاني من أول يوم سافرت فيه، أكيد طولت شوية بس رجعت بالحب وبحاجات كنت حابب أقدمها، وخدت وقتي وأنا بجهز الألبوم، والمصريين وحشوني وبقولهم أنا معاكم وهنرجع للأفراح والحفلات تاني.
سامو زين يكشف رأيه بعمليات التجميل
وكشف سامو زين رأيه في عمليات التجميل، ودعمه لها قائلًا: بدعم عمليات التجميل ولكن على حسب الحالة اللي محتاجه تعملها، وهي بقت دور أساسي في حياة الإنسان ومهم للحياة العملية والمهنية، وحاجة مهمة إنها تكون متواجدة، وصعب في الوقت الحالي إن الشخص يقدر يحافظ على نفسه، وفي دلوقتي حد بيبقى فاهم بشرتك محتاجة إيه، وبيتعامل معاها.
أعمال سامو زين
وفي سياق مختلف، سبق وعلم القاهرة 24 من مصادره الخاصة، أن سامو زين جاء منذ فترة قريبة إلى مصر وقرر الذهاب إلى نقابة المهن الموسيقية وحصل على تصريح جديد من النقابة كعضو منتسب، ودفع جميع المصاريف الخاصة للتصريح كي يستعد لتقديم مجموعة حفلات في مصر ضمن حفلات موسم الصيف 2024.
