حاولت أجري منهم معرفتش وقعدو يضربوا فيا.. أقوال البلوجر بيسو المعتدى عليه في عيد ميلاد مريم الحركي
حصل القاهرة 24 على نص تحقيقات قضية التعدي على التيك توكر حسن بيسو في مشاجرة خلال حفل عيد ميلاد البلوجر مريم الحركي في فيلا بالتجمع بالأول
قضية التعدي على التيك توكر حسن بيسو
وجاءت أقوال المجني عليه أمام جهات التحقيق كالأتي
س: كيف حدث ذلك التعدي تحديدًا؟
ج: لقيت واحد اسمة سيف الدين سابغ شعرة أصفر ودا كان أول مرة أشوفه في الواقعة، وبودا جالى يقولى أحسنلك متطلعش بره قولتلة هات الشباب بس نحل وقالي لا خليك هنا وبعد كدا طلع وجالى 8 بيهجموا على العيد ميلاد 7 منهم بأسلحة بيضاء عبارة عن أربع مطاوى وكزلكين وبعد كدا لقيت ولد كان لابس تيشرت أحمر فى أزرق وقعنى على الأرض فا أنا حاولت أروح وأجرى منهم الولد اللى كان لابس تيشرت أحمر في أزرق رماني على الارض والـ 8 اتلفوا عليا وكلهم كانوا عمالين يضربوني بالرجول والمطاوي والكزالك وكان في نظرة غل في عنيهم بقولهم انتوا بتقذوا نفسكم وكل اللى بتعملوة دا مش صح ومستنى حد يجى يدافع عنى وبعد دقيقتين سيف عشماوى كان ماسك مطوة بيلوح بيها وضربنى بيها في دماغي ومحمود عبدون هوا اللي ضربني بالكزلك في إيدى وسيف نصير ضربني بايده ورجله في جسمي وفضلت على الأرض والعيال كلها جريت وركبوا العربية وهربوا وبعد كدا خدوني على المستشفى ورحت عملت محضر.
وقام حرس النيابة بإخال كلا من المتهمين محمود صفوت علي عبدون، وسيف خالد محمود صالح داخل غرفه التحقيق، وبعرض المتهمين على المجنى علية أقر بانهم ذات الأشخاص الذين قاموا بضربه.
س: ما قولك فيما تم عرضة عليك الأن؟
ج: المتهم محمود صفوت على عبدون هو من قام بضربي بالكزلك في أيدي، وإحداث إصابتي، والمتهم سيف خالد محمود صالح هو من قام بضربي وإصابتي في رأسي.
س: هل كان ايا منهم ممسكا لسلاح حال ضربه لك؟
ج: أيوه محمود عبدون كان ماسك كازلك كده سلاه أبيض وضربني بيه إنما سيف نصير ضربني بايده عادي.
س هل قمت بمقاومتهم انذاك؟
ج: أنا كان بيضربني كذا حد فا مكنتش عارف أدافع عن نفسى وكانوا بيضربوا فيا وبس س: وهل كان برفقتهم ثمة اشخاص اخرين ؟ ج: ايوة كان في واحد اسمة سيف عشماوى ولكن معرفش بياناتة اية ولكنة ضربنى بمطوه كانت في ايده في كتفي وعورني س وما هى الأصابات التي حدثت لك جراء ذالك التعدى ؟ج: عبارة عن جرح قطعي فى ايدى الشمال وجرح فى رأسى وفي جسمي كله كدمات س: وهل تم اجراء الكشف الطبي عليك ؟ ج ايوة وإصاباتي ثابتة فية س: ما هو قصد المتهمين من التعدى عليك ؟ 4 ج هما قصدهم يضربوني عشان يقللوا مني وعشان حقوودين عليا مش اكثر عشان انا شخص ناجح س: كيف وقفت على ذلك القصد ؟ ج عشان كان باين الغل والحقد عليهم ومعرفش ضربوني ليه وافتعلوا المشكله ده س: ما هو قولك فيما ورد بمحضر الشرطة في ٢٠٢٤/٦/٣٠ الساعة ٤:١٧ صباحًا بمعرفة الملازم / يحى وليه " تلوناه عليه تفصيلا "؟ ج: ايوة حصل س: ما هو قولك فيما ورد بمحضر الشرطة في ٢٠٢٤/٧/٦ الساعة ١١:٠٠ مساء بمعرفة الرائد: محمد عبد اللطيف " تلوناء عليه تفصيلا ٢٠ ج: ايوة حصل س هل توجد ثمة علاقة بينك وبين محرر المحضر الرائد: محمد عبد اللطيف " ؟ ج: لا معرفوش س: وهل من ثمة شهود على تلك الواقعة ؟ ج: ايوة في واحد اسمة / عمر شريف عطية مصباح، وأمير عادل عيد أرمنيوس وممكن يجو يشهدوا بالي حصل س: هل لديك اقوال اخرى
والجدير بالذكر أن محكمة جنح التجمع المنعقدة بالتجمع الخامس، قضت بالحبس سنتين للمتهم في واقعة التعدي على التيك توكر حسن بيسو في واقعة حفل عيد ميلاد البلوجر مريم الحركي، كما قضت بالحبس 6 أشهر لمتهم آخر.
