صاحب واقعة الصفع من محمد رمضان: إيدي مرزبة.. ومعملتش محضر عشان العفو عند المقدرة
خرج كريم شلبي صاحب واقعة الصفع من محمد رمضان في فيديو ردا على الفيديو الذي نشره الفنان محمد رمضان، عن واقعة صفعه لـ كريم شلبي في مراسي الساحل الشمالي.
رد صاحب واقعة الصفع من محمد رمضان
وقال كريم شلبي، في مقطع فيديو له: شكرًا لكل واحد وقف معايا إذا كان بكلمة حلوة وطلع دافع عني، أنا اتكلمت واعترفت بخطأي لأن الاعتراف بالحق فضيلة، تاني حاجة أنا مطلعتش أتكلم في ولا قناة ولا فيديو لأني مش طالع أركب تريند زي ما بتقولوا لأني الحمد لله شبعان حب ناس وفلوس وعيني مليانة من صغري فمش محتاج أعمل تريند.
وتابع: اعتذار محمد رمضان على راسي بس عاوز اقول كام حاجه من غير كلام كتير.. فيه ناس بتتولد صغيرة وبتكبر وفيه ناس بتتولد صغيره وبتفضل صغيرة.
وأضاف: أنا كنت طالع اتبسط مش فارقة قرية مراسي من قرية لوتس، ومش هتكلم في حوار أنك قولت أنك طيرت الكاب والنضارة بسبب القـلم بس إبقى تقل إيدك شوية، وإن كانت إيدي الشمال ناموسة فإيدي اليمين مرزبة، وأنت بتقول أنك مرضتش تعمل محضر بس أنا اللي كنت هعمل فيك محضر بس قولت العفو عند المقدرة.
