علي ماهر: الفريق الذي يأتي بعد الأهلي والزمالك وبيراميدز يعتبر بطل الدوري
تحدث علي ماهر المدير الفني لنادي المصري البورسعيدي على بعض الأمور المتعلقة بالفريق خلال مشواره بمسابقة الدوري المصري الممتاز.
تصريحات علي ماهر
وقال علي ماهر خلال حواره مع الصحفيين: طبيعي يوجد نواقص في الفريق مش هتجيب كل أسلحتك من أول سنة، وكل اللاعبين مستواهم مختلف، اتهاجمت عند اختياري لميدو جابر وفخر الدين بن يوسف وهم نجوم الآن، ومن أكثر اللاعبين الملتزمين داخل وخارج غرفة الملابس.
وأضاف: بنجلس 7 ساعات في ستاد الكلية الحربية لأجل الوصول إلى هدفنا وبفضل ربنا وصلنا إليه، وعمرنا ما خرجنا في الإعلام ونوهنا إننا معندناش لاعبين أو عندنا نواقص في مراكز، بنشتغل تحت أي ظروف علشان نوصل لهدفنا اللي احنا شايفينه.
وأكد علي ماهر خلال تصريحاته: قدرنا نفرح الجمهور العظيم، ولعبنا إفريقيا ورحلنا، ولكن لنا نصيب إننا نرجع مجددًا نلعب إفريقيا.
وأردف خلال تصريحاته: متبقي لنا 5 مباريات وبعدها سيكون هناك جلسة مع مجلس الإدارة، وسيكون لنا تدعيمات ومتأكد أننا سنتعاقد مع لاعبين بكواليتي محترم، وأنا مركّز على تدعيمات معينة وبالفعل تم اختيارها؛ لأني عاوز أجيب لاعبين تلعب فعليًا، مش أشغل مكان وخلاص، وأنا مش عاوز أجيب أي لاعبين وخلاص اللي هياخد دولارات وأديلوا من جيبي مكافأة لازم يكون منتج فعليًا.
وأتم علي ماهر تصريحاته: الفريق الذي يأتي بعد الأهلي والزمالك وبيراميدز يعتبر بطل الدوري المصري الممتاز.
