معتز التوني: التيك توك بيطلّع ممثلين وممكن أشتغل معاهم.. والأولوية لخريجين المعهد
كشف المخرج معتز التوني، رأيه حول دخول مشاهير تطبيق التيك توك لـ مجال التمثيل، مشيرا إلى إنه لديهم الحق في الدخول لعالم التمثيل.
وقال معتز التوني خلال لقائه بـ القاهرة 24: التيك توك بيطلع ممثلين عادي وممكن أشتغل معاهم كمخرج، وده بيكون جزء من اختياري للمثلين، لكن أكيد بيكون في أولوية لخريجين معهد السينما، لأني لو حصرت الأدوار في مشاهير السوشيال ميديا هكون بظلم اللي درس واللي اتخرج من المعاهد الفنية.
كما تحدث معتز التوني عن فيلمه الجديد إكس مراتي، المقرر عرضه في دور عرض السينمات خلال الأيام المقبلة، حيث قال: فكرة الفيلم كانت عندي وأنا كنت كاتبها سيناريو، وأنا عاجبني فكرة أن في ناس بتتطلق طيب بعد الطلاق وضع الإكس إيه؟، فكرنا في فكرة فيلم تليق معانا ومع الحدوتة المصرية أكتر أن ده بيحصل هنا، وده اللي خلاني أفكر في الفكرة واشتغل عليها، وأنا بحب الفيلم ده جدًا كان عندي من سنتين ونص.
فيلم إكس مراتي
يعد فيلم إكس مراتي أحدث أعمال المخرج معتز التوني، والذي يشارك ببطولته كل من الفنانة أمينة خليل، محمد ممدوح، هشام ماجد، خالد كمال، وغيرهم.
فيلم إكس مراتي
ودارت أحداث فيلم إكس مراتي في إطار اجتماعي كوميدي، حول الطبيب النفسي يوسف الذي يتولى إصدار تقرير نفسي عن المجرم الخطير طه حتى يتم الإفراج عنه من السجن، ويكتشف أنه طليق زوجته سحر ووالد ابنها.
